Aku tu baka paku selur gelung,
Baka tubu selur rebung,
Baka kulat sulur tuchung,
Baka tenggang tampung bulang,
Baka ijuk tampung penduk,
Baka wie tampung tali,
Baka rutan tampung danan.
Ukai aku muntang ukai aku nengkebang,
Aku endang niti endang nali,
Endang tambak endang nelesak,
Endang tiris endang pantis,
Endang puchuk endang sumbuk,
Endang nampung endang nerujung.
Aku tu nampung kenang sida lemambang,
Ke tebilang landik becherita,
Nusui ke utai nya dalam ensera
Ngingat ke utai nya dalam pengap,
Ngenang utai nya dalam timang,
Takut ke iya ila lela midang,
Disegang pemansang dunya.
“Rebak lama ngayau ngena ilang ngena duku; rebak baru ngayau ngena pemandai ngena penemu”
~ Allen Charlie, 2007
JAKUIBAN.COM 