Kitai Iban endang iya idup enggau adat kenau iya ari kandung. Maya indai kitai ngandung ke kitia, iya endang iya udah idup betatika adat, niti nali sempekat ti dipeturunka ngagai peturun Iban kenyau ari kelia menya.
Nyadi terubah indu nemu diri deka betubuh bisi tauka ngandung nya lebuh iya ngasaika diri badu tauka ngetu datai kain. Ba bulan siti ti nangkanka nya, enti iya nadai ga datai kain nya baru iya amat nemu diri ngandung. Iya pan lalu belabuh ngitung bulan diri ngandung ari bulan ti keterubah iya nadai agi tauka ngetu datai kain nya tadi.
Sereta kandung iya udah lega, indu pan lalu belabuh tauka berasai nyera. Lebuh indu nyera ,iya tetengukka mayuh macham utai dempa kelebih agi baka buah masam enggau mayuh macham utai ti enda kala ka diempa iya baka ke ngelama tu. Bisi sekeda nya empegal deka ngempa utai ti enda patut, baka temu tak tetenguka pending laki diri empu, tai manuk enggau utai ti bukai.
Sera tu naka ulih meseti dipantupka. Pemesai iya bisi dikenang dalam cherita asal ti ngenang Keling ti nempuh bemacham penguji sereta nyau besabung nyawa deka ngulihka Buah Binjai ti berundai panjai tampuk ti diseraka Kumang aya iya ngandung.
JAKUIBAN.COM 
Nama agi utai ti diseraka urang indu ti nyelaie amat alu tusahka diulihka sida ka laki?
Bisi leka timang sera nuan ngal?
Ulih nuan nulis senentang Gawai Tuah?
Bisi leka renong kayau, renong ngayap ngau renong sabong nuan ngal?
Nadai tuan, renung tu nyau kurang endar penyanding penemu iya. Agi bedau puang endar ruai aku tu, tau meri enti bisi tuan.
Nadai ku kala maca leka main nyak. Nyak meh aku minta ari nuan ngal enti bisi laban enti maca jerita ba gnmwar.wordpress.com, slalu mat nyebut leka main tu.
Pia nih. Nganti aku bisi betemu enggau iya aku nanayka pasal nya ila tuan.
Amat ngal, ba chunto baka dalm jerita Linggi “Mali Lebu” ngau jerita Unal “Bulan” ti bamuk ngelaban Ijau “Lang” tang leka renong kayau nyak ndai dip[ansutke iya.
Nama nguna malam ngayap udah bisi gawai besai tungaka Saribas din? Amat urang ti parai begunaka ambai ngiring niti Titi Rawan maya mansang ka sebayan? Ambai dikemendar tama alam sapat urang ti parai nyak dinga aku.
Bedau aku kala ninga pasal tu, ulih meri penerang tauka penyading penemu nuan tuan?
Orang ti parai diiring tukang sabak nuju ke batang mandai. Semina tukang sabak aja ke ulih nemuai sereta pulai baru ari mandai, iya guna besi kering semengat, enggaika semengat iya layu lalu enda ulih tepulaika diri.
Baca ba penyanding penemu tu ngal tauak search ngena “licensed courting”
http://books.google.com.my/books?id=xdj3AQAAQBAJ&pg=PA117&lpg=PA117&dq=free+licensed+ngayap+courting&source=bl&ots=2hp85aC71n&sig=llt6Gjpsh-f80gO9mydAnwZJrmo&hl=en&sa=X&ei=xokmVPC4KtGVuASTn4HYDw&ved=0CBwQ6AEwAA#v=onepage&q=free%20licensed%20ngayap%20courting&f=false
Naka ni semengat manang ulih terabai nangkap sememngat urang ti sakit? Amat naka titi rawan?
Nyera tu nyadi ba kitai Iban aja tauka bisi nyadi ba bansa bukai? Nama kabuah urang indu nyera enti betubuh bisi? Biological needs?
Bini aku empu doktor pakar, iya pan enda ulih nyaut tanya nya. 🙂
Indai tuai nuan, pakar dalam bidang medicine ni ngal? Ibu dan Anak?
Perubatan Awam tuan…
Nama ajat ke ba atas blog nuan tu?
Amat bisi nyera urang indu ti betubuh bisi ari penemu saintifik? Tauka urang indu nyak minta utai ka diseraka nyak ari laki sida laban minta penyayau ari laki sida?