Iban

Selamat betemu ba ruai allencharlie.com – Nampung Kenang Lemambang

Tuat ruai tu didirika aku ngambika ulih dikena ngenang sereta ngenanka pemanah jaku kitai bansa ngambika jaku tu enda lenyau mabun laya nitihka aki ini kitai ke Serawai Mandai Betangga Tunggang nyadika pesaka sida Titik Nasan Pantau Ajan Panjai Lengan, Tuai Sebayan ba Bedega Lintang Takang.

Utai ti dipantaika aku ditu endang iya enggi bala mayuh, sigi enda salah diambi tauka dikerembaika ngambika jaku kitai Iban tau ngerembai ngerekai serata dunya laban buah ubi enti laun dikali buruk di pun, buah empasa laun diempa lunggar taun. Kitai Iban sigi patut bekunsika buah penemu ti manah enggau pangan diri, baka ke beduaka lampang rusa, bebagika lampang babi, ngenjuk lampang pelanduk, betetakka lampang bayak.  Ngambika utai ti berat tau nyadi lempung, utai simpi tau segala, utai bingkuk tau lurus. Bekunsi kitai pengidup ti manah enggau pangan diri ngambi ke bansa kitai tau pegari ditemu dunya, bediri sama tinggi, duduk sama pemaruh enggau bansa bukai.

Taja pia, kasih-kasih mih ke tudah pangan, enti kitai amat begunaka penemu orang, enda salah kitai minta, anang te ngambi pia aja. Kenang-kenang mih tudah pangan dalam penatai penyanding penemu. Credited to AllenCharlie.com – Nampung Kenang Lemambang

Kepenudi bendar, aku ngarapka laman tu ulih nyadika penyanding penemu ngagai bala pengajar Iban, nembiak redak ke agi belajarka jaku Iban baika sida ti di tikas sekula, institut pematih pengajar tauka universiti. Angkat kitai sereta sama pejalai tuju singkang, angkat kitai seringkat baka manyi ninggal ke idang, angkat kitai beripih betitih baka angkis tama lubang, besaup kitai ngerembaika jaku Iban nuju pemansang.

Terima Kasih.

Allen Charlie

Aku nampung kenang lemambang ke tebilang landik becherita, ngingat dalam pengap ngenang dalam timang nusi dalam ensera, enggaika lelang Iban midang disenggang pemansang dunya.

7 responses to “Iban

  1. Tulis maioh agik ka pasal kitai iban.

  2. idup iban..

  3. slmat tengah hari…syalomm
    aku ka betanya. Kati cerita suba asal usul tentang bedarak/miring??
    ati urang iban bedarak atau besampi atau berdoa, sapa ke dituju??
    sapa Petara paling tinggi? Sapa Tuhan bagi urang Iban?
    Terimakasih saudara..GBU

  4. Pretty! This has been a really wonderful post. Many thanks for providing this info.

  5. Rindu mt ku maca jko dlm bktok…bka jko silup cda k tuai dulu suba…

Kitai Iban sigi patut bekunsika buah penemu ti manah enggau pangan diri, baka ke beduaka lampang rusa, bebagika lampang babi, ngenjuk lampang pelanduk, betetakka lampang bayak. Ngambika utai ti berat tau nyadi lempung, utai simpi tau segala, utai bingkuk tau lurus. Bekunsi kitai buah penemu ti manah enggau pangan diri ngambi ke bansa kitai tau pegari ditemu dunya, bediri sama tinggi, duduk sama pemaruh enggau bansa bukai. - Nadai salah mejah seruri, sigi endang dianti-anti. :)

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s