Bisi Katak seribu ka bepekit engkejuk meraka lubang, tang mayuh bala orang ke meda sida bepekit madah ka sida enda ulih, laban pemesai lubang nya sejengkal. Nadai siku ari seribu katak nya tadi ulih teperaka ke lubang ke besai ia nya semina sejengkal taja pan ngelama tu, kejuk katak kira sedepa.
Bisi siko ketam ka bejalai ke mua, orang madah enda ulih tang ia majak ke diri aja. Kelengah ke nguji, dia ketam tu tadi ukai semina bejalai tang tau mega belanda mansang ke mua. Dipansik orang kebuah ia, laban orang rawan ati laban ke ditemu, ketam enda kala bejalai lurus, tang nyerimbing bejalai ke tisi. Dipansik-pansik, nemu nya tadi, ketam tu tadi kebendar ia Benggal (enda ulih ninga).
Ari dua iti jerita pandak ke dirintai ka aku ba atas tu tadi, besai endar utai ke kadikunsi ke aku enggau bala menyadi.
Kitai bela nemu, orang ke kurang agi pendiau nadai pedih ari orang ke benggal. Sida ke buta mata mayuh ke nemu macha. Sida ke iso ngambi ke banding enti sida ia enda benggal, sida ia nemu reti utai, taja pan enda tepantai ke jako ari mulut, pencil tau dikena nulis utai ke ka dikejako ke sida. Tang enti benggal, semua utai deka tusah, nemu pan bejako nyau enda meh laban enda nemu nyebut, ketegal ke enda kala ninga, nya alai selalu ia, orang ke benggal ka kurang agi bala sida ke kurang pendiau ke bukai.
Tang, Benggal tu kadang ia bisi guna. Ngambi ke banding jerita pandak ke dirintai ke aku ba atas.
Ba jerita ke-tebubah nya tadi, katak ke tau engkejuk panjai sedepa tau enda teperaka ke lubang ke mesai ia sejangkal. Nama kebuah? Laban sida ninga jako orang…
Ba jerita kedua, ketam ke sigi ditemu kitai bejalai nyerimbing tau nemu bejalai lurus. Nama kebuah? Laban ia enda ninga jako orang…
Nya alai, kadang-kadang, benggal enti ngena maya ke patut bisi pemanah ia. Ngambi ke banding…
– Menggal ke diri enti orang bejai kitai, kitai tau nyeliah ke diri ari ke belaya.
– Menggal ke diri enti orang ngasut kitai, kitai tau nyeliah ke diri ari pemenci.
– Menggal ke diri enti orang mai ngereja pengawa jai, kitai tau nyeliah ke diri ari dosa, ari api neraka.
Perunding ke dia meh… 🙂
JAKUIBAN.COM 
puas ga aku berunding ke jaku nyak td… amai ga neh??ka tusah2 mimit ga aku maca nyak td…kalu dalam jaku..tang phm ga aku deh…- bg aku sigi amai kitai nda iboh mending ke jaku urg t mghasut tauka nama2 aja tauk ngasuh ktai belayak..amai betul. tang nda smua ga bala kitai sebangsa ka nitih ke jaku bakatu lbn ke bc penemu dri mpu..lebuh maia ya tauk ga mending lebuh maia anang ga mending,neh ko d kaban??….nyak meh tusah ka bjaku..lain urg lain ga penemu…baka aku..jaku ke jaie nyak amai didinga aku..udh ke maca blog d 2 td aku tpikir…nyamai g ga bengal kadang2..nda ga aku salu pdis ati ninga jaku urg ke dengki…aku arap ke nuan y kbn mayuh gk meh mantai ke pengajaran tauka nasihat ngagai kami ke biak 2 laban aku mpu kelebih ag ya..minat ga ninga tauka nemu penemu bakatu… tq…