Sapa nguai ke sapa, patut ke enda?



Sapa Nguai ke sapa? Hmmm…..berunding..

Aku dalam post post ke udah semampai ngemeran ke pementing kitai ke rebak ngambi ke enda ngelaung tauka melakang ke penemu serta adat asal kitai bansa. Taja pia, enti dikira tauka dirunding ke baru, dua tiga kali, bisi sekeda adat kitai tu tadi enda tentu setimpal enggau pemansang dunya alai kitai selalu nyeliah serta ngelaung ke ia.

Kemari kitai udah bekenang ke pasal kawin, adat ngau pengarap; saritu aku ka mai bala kitai bekenang ke utai ti enda kurang nyadi dalam pengidup kitai bansa ti baru ka ngidup ke diri, kawin jadi melaki-bini. Utai tu tau dikumbai adat kitai bansa ti dipeturun ari kelia-menya sampai ke diatu ari aki-ini kitai, utai tu semampai idup, pengaruh ia besai. Utai tu dikumbai kitai bansa “Nguai”.

Iban chukup bepegai ngagai adat asal bansa Iban, ambih nadai, bepegai ba adapt “Nguai” tu tadi. Nguai tu tadi selalu angkat maia ke bejadi ke pengawa jadi melaki-bini. “Sapa nguai ke sapa” nentu ke sapa nitih ke sapa. Pengawa ke betusut “sapa nguai ke sapa” tu chukup besai pengaruh dalam bansa kitai, ngejung ke enti nadai jaku pemutus ari sepiak ti ngemendar ke siku nguai, tauka sama-sama enggai nguai, tau enda nyadi pengawa ke melah pinang. Ari nya kitai nemu, berapa besai kuasa “nguai” tu tadi dalam nentu ke idup kitai iban, kelia menya lalu bisi sekeda sampai ke diatu.

Enti diperati ke bebendar, pengawa ke nguai ke pangan diri tu sigi bisi reti dalam pengidup orang kelia. Kebuah ia, laban menua jauh, nadai jalai ke manah etc. Enti siku, ngambi ke banding indu udah nguai ke laki ia, ia lalu deka nitih ke laki ia pulai ngagai menua laki ia. Jeman, enti bisi nemuai ngagai menua asal, selalu agi ke lalu nadai. Dalam konsep nguai tu tadi, enti laki nguai ke bini ia, laki tu tadi lalu nadai “hak” agi dalam semua reta-tengkira ti dipeturun ari aki-ini ngagai apai-indai serta penudi ngagai bala menyadi ia, laban ia ke udah nguai, tau dikumbai udah diempu orang bukai.

Dalam dunya ke baru tu, pengawa ke “nguai ke pangan diri” tu enda entu sesuai agi ngau pengidup kitia dalam dunya moden. Sigi kebuah ti tampak, keterubah ia laban menua udah mayuh datai jalai, pagi tu a menua laki, lemai lagi tau ba menua bini. Kedua, pengawa ke nguai kelia, nang sigi selalu ia indu nguai ke laki, sekada laki ke bisi nguai ke indu laban ke dipinta, ngambi ke banding, enti indu tu anak tunggal. Dalam dunya ke baru tu, indu ke diatu enda baka indu ke kelia, indu kelia selalu ia enda besekula tinggi, kerja ia berapi, ngintu laki serta ngibun anak. Tang ke diatu, sida ke indu udah “bediri sama tinggi” enggau kitai ke laki, nyadi pengawa nguai tu enda entu ulih dipejalai ke agi.

Penemu baru “tengah ari” ke diatu sigi chukup manah dipeda aku. Tengah ari tu reti ia enda nguai ke sapa-sapa, sepiak tulung sepiak gusung. Aku nyebut penemu tu manah laban kitai anak sigi enda tau melakang ke orang tuai, nadai cara kitai ulih malas jasa serta budi apai-indai ti udah ngada ke kitai ke dunya, ngemesai kitai nyadi orang ke menyana.

Tang anang enda ingat menyadi, taja pan diatu indu nyau enda baka kelia, enda agi nguai serta nitih ke laki, tanggungjawab indu tu tadi mesti dititih. Tajapan sekeda indu, enti ari segi pelajar tauka penemu tinggi serta lebih agi ari laki sida, enti seduai udah jadi, indu mesti bebasa ke laki sida. Salah munyi jaku, indu sigi enda tau tinggi ari laki. Pengarap kitai Kristian dalam bup Genesis udah terang madah ke Petara nempa Adam dulu, meda Adam ke sunyi diau kediri, Ia nempa Hawa, ari tulang rusuk Adam.

Nguai tu reti ia ngeleka ke apai-indai ketegal ke ka jadi enggau orang bukai, nya ke salah dipeda aku. Aku minta ampun enti penemu aku enda betul dipeda bala kita, tang, nya meh penemu aku, enti enda betul, minta bala kitai bejurai ke ia dalam ruai Facebook Iban kitai. Terima kasih.

23 responses to “Sapa nguai ke sapa, patut ke enda?

  1. i dont think topik nguai g di praktik ka org diatu….laban mayuh udah org ka kawen nyu berumah kedirik…nda semesti nya d nda nguai kini kini d nda tauk ngaja apai indai dirik…nya depend gau kitai empu…baka ka contoh, my parents both nda nguai kini kini tang seduai agik ngaja, merik duit belanja ka parents seduai ya…sbg anak sg tanggungjwb kitai nyaga apai indai kitai..its payback time..same for me also…sama bela nda nguai ka pangan dirik…in d middle is better…

  2. Kok aku, pengawa nguai tu tusah, lebih2 agi nti laki bini nya bekereja.. laban nda patut setegal nguai, nti bulih kerja di menua bukai, kerja alu diletak laban adat ka' dipenting kan.nyu muai peluang nya kok aku…

  3. ba penemu aku, ba arus pemansang baka ke diatu cg nadai ag nguai ke pangan diri laban maioh bala udah ngiga keja ba menua besai n lebih mansang ari ke suba…

  4. i agree with u…hehehehe…nasib parents nda ntu kiruh ndar ka pengawa nguai tuk…and amai kok d gak allen hal hal nguai tuk sg tauk nyuruh kitai berpecah belah…:) thats y aku mdh nyamai g in d middle…

  5. nguai tu reti ya ba aku, kitai jadi melaki bini alu nitih ka sapa nguai nya kitai bridup alu diau sebilik ngau entua tauka baka ka rebak baru diatu ka mayuh g kereja d menua bukai nda diau d rumah panjai agi. tang adat nguai tetap dikena kitai nentu ka pendiau ka dudi ari. sapa ka ngintu bilik ka sebendar ya diatu. tang ukai reti kitai muai apai … Read moreindai. nguai pan kitai agi nemuai gai apai indai kitai. mina kitai bebagi ka masa. ngau siti agi kena nentuka alai kitai di intu maya kitai ka mati lalu dikubor ka ila. nya ba penemu aku la…nti tak salah jaku ku

  6. ba penemu aku, nguai tu sigi adat ke patut ba bansa kitai. nyadi kemaia ari tu kitai nda tau ngemerat tauka ngenerit ke adat nguai tu baka kelia, kebuah pia, lbn bansa kitai kemaia ari tu lebih agi nembiak ke rebak baru, sida ya bc periuk asi kediri empu. ngai nyadi ga ketegal ke nguai periuk asi alu ditinggal. nyadi adat nguai ba bansa kitai … Read morekemaia ari tu mina disebut ba mulut kena ngemenuh ke syarat ba adat kitai iban aja. Nama aja nguai,tang nda semesti diau sebilik ngau ntua. Enti kelia ndang amat, nti indu/laki diasuh nguai, alu diau sebilik ngau entua meh. Kebuah adat nguai nda diterit ke agi laban urang kemaia ari tu ngai agi diau d rumah panjai/menua, tambah mega nti diau d menua nadai ga pengawa ditemu sida iya,ka ngau urang bumai nda ga tulang nakal, ka ngau nangkal getah nda ga ntu nemu, nya kebuah adat nguai nda diterit ke agi.minta ampun nti jaku aku bebelit.

  7. nguai? maya zaman sida emak & abak kitai memang bisi sapa nguai ngagai sapa. Tang diatu sida induk lelaki ti ka berumah tangga mayuh udah bc gawa sebedau jadi( nikah) , so laban ka dunya udah mangsang,ngerembai, patut nadai agik bc isu "NGUAI" timbul agik. Lagipun Mertua diatu udah belajar daripada kesilapan lalu iaitu NGUAI🙂

  8. lawa ndar stail d ba gambar nya allen…hehe…

  9. setuju amat ku enggau penemu dik tu….ba aku, maya ari diatu pengawa "nguai" enda ulih dijalai ka agi laban dunya udah mansang..nguai tau ka enda nguai ba maya ari diatu nadai mayuh beza agi laban menua sepiak laki tau ka bini ulih dgusung pulai ari…kreta bisi gak, "bilun" bisi gak, asal bisi utai dikena ngejung ngagai bala apai-indai & menyadi … Read moreiya d menua udah chukup manah…."nguai" tu tadi endang sigi mesti dituku lebuh maya kitai kak jadi melaki-bini just 4 da sake of formality n in order 2 fulfill 1 of da standard requirements in da iban custom/tradition which has been inherited from our ancestors 4 ages…nyadi baka ba penemu aku, enti sema jaku indu nguai ngagai laki (maya ari diatu), iya agi ulih ngusung apai-indai iya, iya agi ulih ngempu harta penurun ari aki-ini tau ka apai-indai iya (nitih ka budi bichara/pemanah ati/penyinu ati org tuai iya ngagai iya…pemerik org tuai iya lah maksud aku…enti merik merik, enda enda gak laban sigi udah nemu indu ti nguai ngagai laki udah lenyau/nadai hak agi enggau utai tu magang)….laban aku ngasai aku empu..baka apai-indai aku, taja pan aku udah belaki…nguai ngagai laki aku, tang aku slalu ngusung org tuai aku lebuh maya aku bisi ari, bmlm ba sidak tiap ujung mggu, org tuai aku pan bisi merik gak utai pemisi/harta turun menurun sidak ngagai aku & laki aku lebuh maya sidak bisi bulih rezeki ti melimpah ruah (enti mimit pun sama dbagi, ngambik ka enda dkumbai berchiping enggau bala anak/menyadi ti bukai)…lebuh maya kena penusah, sama2 btulung pangan dirik baka ka agi diambu sidak iya dirik sebilik (n ukai dikumbai org bukai udah ka nguai nya tadik)…ba penemu aku…nguai ba maya ari diatu is just 4 formality jak…u wil always still hav ur rights among ur family n still involved in certain family related matters/agendas/issues coz no matter wat we r still their children n they r still our parents…

  10. bisi jaku org kelia madah : biar mati anak, anang mati adat. nt kitai ag ngintu gawai tang nda miring ag nyaga adat meh nya. hal nguai tu bc pemanah ia laban nda nyalah2 baka ke insurans apai ngau indai kitai. ari ada kitai dah dijaga cda tang nt kitai bela mai pejalai diri sapa ke nyaga cda dudi ari ila. org tuai nda dapat bejalai agi

  11. adat nguai tusah mai diatu lbn mayuh gk kitai diatu keja na nengeri ngidup k diri. t anak sama bela pandai lalu keja, tentu apai indai bela ngetan k anak diri. bakani ko tudah k deka jadi deh? nitih k jaku apai indai tauka ngati k kdiri? nya k dikumbai ditelan parai apai, dilua parai indai. ukai reti ya t nda ngibun apai indai kitai nda peduli k cda. t sama keja, sama melanja apai indai diri mpu meh kitai. anang betagang pangan diri.

  12. Yes..yes…betul ko nn nya susan…nda semesti nda nguai kini kitai tuk nda tauk ngibun apai indai…apai indai mesti ka di intu kitai laban sidak dh ngintu kitai ari ada…its pay back time..mmg tanggungjwb anak jaga parents..

  13. halo kaban semua,aku tok ukai entu nemu endar pasal adat iban tok.tapi nyak meh enti adat nguai tok ba penemu aku,nentu ke kini penunga maya dah jadi..samada ka nitih ke sepiak bini @ laki @ nadai nitih sapa2…laban nyak tepanggai ba keputusan sidak ya empu…tapi bisi gak kena paksa nguai…dunia2..hehehe..tapi nyak meh enti nda nguai @ nguai … Read morengagai sapa2,apai indai enda tau dilengka baka nyak jak…bisi sekeda kitai ke maya ari tok apai indai ditinggal baka nyak jak..laban madah nadai masa nyaga apai indai diri empu laban lebih kiruh ke entua..tapi mayuh adat nguai tok diatu enda entu ulih diguna endar laban mayuh terjadi utai kenyak meh..tapi nyak meh adat asal kitai iban tok enda gak tau dibuai pia jak laban bisi gak guna ya….nyak meh adat nguai tok bisi manah enggau enda ya…nyak penemu aku kih…ngarap ke penemu aku tok nda meh ngemedis ati kaban ke bukai…enti bisi silap minta ampun meh…

  14. Tomey Toms: ukai reti kitai nda nguai apai indai lalu dibuai, apai indai tetap apai indai, pelaba aku bala apai indai pan maioh udah nemu utai, dunya jauh udah mansang, nyauh ni pan menua ulih meh kitai terengkah datai, ukai reti kitai nda nguai apai indai kitai nda tau nyenguk nemuai ngagai kitai, nya kebuah petara meri kitai kemudahan ti cukup kena kitai idup didunya. Nguai tau ke nda apai indai tetap apai indai, anang saru ngau jaku nguai n apai indai.

  15. kemaya ari baka dah nda penting ag gak kes nguai nguai tok..pasal patut ka nda nya terpulang gai empu tubuh kini seduai kak.nguai ke or tengah2..ujung2 pama dah lantang g seput nemu seduai berunding ka pulai kini o kekal kenya hehehehe..nya pendapat aku lah..nda tentu nemu ndal gak tai kenya

  16. Kabuah orang deka nemu sapa nguai ngagai sapa leboh bejadi melaki bini, baka reti deka nemu dini endor perau sangkai nyadi ka pengkalan seduai ke nikah nya. Utai tu besai bendar tuju laban nya nyerangkong tangung jawab orang ke jadi melaki bini. Laban adat kitai Iban, kitai ukai semina jadi enggau anak orang, tang kitai mega lalu nyadi diri sabilik… Read more enggau apai-indai orang nya. Reti nya, enti penusah nyadi (pemati), dini endor kitai sangkai dulu? Ni bagi bilik ti betanggung jawab. Nya kabuah maioh orang deka beterang endor nguai enti leboh jadi melaki bini, ukai kategal kitai enda ulih ngidup mungkal ruang bilik ka diri empu.

  17. Enti aku la,aku ba tgh2…dua2 nda nguai :)dini alai nyamai ndur ngidup ka diri diak meh alai laki bini ndur ngentap ke diri….

  18. felicia: susah uji bakanya,mesti bisi pemutus ngambi dudi ari enda nyadi layak,uji baru kawin jarang nyadi,tapi enti dah bisi anak,susah mimit.

  19. felicia: susah uji bakanya,mesti bisi pemutus ngambi dudi ari enda nyadi layak,uji baru kawin jarang nyadi,tapi enti dah bisi anak,susah mimit.

  20. Manah amai penemu nuan nya ayak Greg. Nyentuk amai. Sigi utai ke agi nyangkut dalam pekara nguai tu tadi, munyi ko nuan nya ayak, dini alai endur sangkai maia bisi penusah (pemati). Nyadi pengawa ke nguai ke agi bisi ke diatu nya kira ke ngagai nama aja, semadi nemu sapa nguai ke sapa, kena ngau ke adat. Taja pia, mayuh agi bala kitai ke diatu milih tengah ari, dini alai sida ngenduh ke diri maia nyau tuai ila, dia meh alai nanam ke perau

  21. nguai tok ukai psl milih ni ke nyamai bagi kitai empu deka ngidup n ngintu ruang bilik serta laki kitai udah kawin, tang nguai tok maksud ya baka utai ti dkomen kaban kitai Gregory Nyanggau tadik…nya meh kebuah maya kitai bterang dulu sebedau jd melaki-bini (n maksud endar "bterang"/"btekul" tu tadik)…parai pemati/pemisi penadai/pemerinsa … Read morepenyamai idup melaki-bini/tusah senang kitai dudi ari ila dtanggung org ti udah diambu kitai nyadi ka diri kitai sebilik (tempat/org ti kitai udah nguai nya)….kira ka nyadi itam putih dlm perjanjian lebuh maya kitai ka kawin…tang taja pan kitai udah nguai ke laki kitai,diau rumah kedirik & ukai rumah mentua kitai, tanggungjawab kitai ngagai apai-indai enda patut dilengka kitai…sama2 ngintu apai-indai pangan dirik dalam masa sama ngintu laki kitai serta ruang bilik kedirik empu enti udah berumah kedirik, anang bciping (berat sebelah) enggau pangan dirik, anang btagang/ringat enti sema jaku kitai agi merik blanja/ngintu/ngabas apai-indai kitai empu wlwpun udah nguai.enti dua2 pihak laki n indu sama bela btarit ke anak dirik empu ketegal iya tok tadik anang tuai/plg dharap/bpelajaran tinggi…berunding manah2,anang nyadi laya,laban nguai sigi pengawa kitai iban ti patut dijalai..enggai nyadi enda…enggai nyadi madah d tgh2 laban there is no such thing as tgh2…nguai is just 4 sake of formality/black n white in a marriage (vow) in order 2 clarify unnecessary/unwanted issues during da end of da day…enggai ka carut dudi ilak…enti nyau belaya tegal kak nentu ka sama nguai sapa enda,tok ajak meh ulih dipadah aku —> nyamai belayak tumu diatu drpd kitai belayak dudi ari ila laban enti bisi carut ila pasal sapa bagi ngempu ruang bilik/harta aki-ini & apai-indai kitai enti sidak udah nadai ila serta "hak" kitai empu, utai tu tauk gik nyadi layak ti besai agik ari isu nguai2 tu,silap ari bln ulih nyadi kes besai (bdendam/bmusuh/bbunuh/dberik pemencik ari org) kitai ilak….hehehe…

  22. selamat lemai bala menyadi dalam kristus, aku setuju enggau penemu nuan unggal Allen, diatu nyau nda sebaka baka kelia..meri banding kelia ngena perau ngusung bala diatu tekan ke aja alu datai ba menua bala kitai, t kelia sampai 2-3 ari bejalai agai mnua ke deka dilawa, diatu sejam dua dah datai..
    anang meh ketegal nguai kitai nyau nda niri ke rumah tangga..laban kitai diatu nyau nda bka kelia…ang t bini gawa mnua bukai laki ba mnua bukai ..nda patut ninggal ke pngawa..pasal reta apai indai..nya pmanah ati apai indai dri empu..nguai pen anak t sgik ka merik berik sida meh..anak bknya meh…nguai agai bilik urg pun t ulih merik apai indai pun tauk merik..lban nya tanggungjawab kitai meri apai indai blnja…

Kitai Iban sigi patut bekunsika buah penemu ti manah enggau pangan diri, baka ke beduaka lampang rusa, bebagika lampang babi, ngenjuk lampang pelanduk, betetakka lampang bayak. Ngambika utai ti berat tau nyadi lempung, utai simpi tau segala, utai bingkuk tau lurus. Bekunsi kitai buah penemu ti manah enggau pangan diri ngambi ke bansa kitai tau pegari ditemu dunya, bediri sama tinggi, duduk sama pemaruh enggau bansa bukai. - Nadai salah mejah seruri, sigi endang dianti-anti. :)

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s