Allen Charlie

Nyadi, nama aku Allen Nguling Anak Charlie. Ada menyana ke dunya nyadi anak mensia kenaka 11 haribulan 2 taun 1986, ba sepital besai Sri Aman. Asal penatai aku ari Punggu Tapang Sri Aman, tang ketegalka pengawa bejalai ngiga pengidup, apai aku gawa ba Miri, nya alai kami sebilik, aku bujang ngelanjau besai diau nguan menua Miri.

Aku tu anak tuai Charlie Awel enggau Lian Alik. Siku-iku aja anak lelaki, lalu aku bisi 3 iku menyadi indu. Iya ke nampung aku nya Jacqueline Charlie, 24 taun umur iya taun tu, baru udah tembu pengawa iya ka belajar ngambi Ijazah Sarjana Muda Undang-undang lalu diatu benung ngayau LLB ba semester ka penudi. Menyadi lumbur 2 nampung ka iya benama Josephin Charlie, beumur 20 taun, baru udah tembu pengawa iya ke ngayau Asasi Undang-undang. Lalu iya ke penudi bendar kami menyadi benama Uodia Charlie, diatu agi belajar ba tikas pom 2.

Aku nirika ruang bilik enggau Dr. Majorie Ensayan, Indu Beliau Diatu, Lutur Manang Moden. Anak indu Joseph Junting Resa enggau Priscilla Imbau.

Aku tu, penemu enda mayuh baka beluh nyaru arang, pemandai enda banyak baka lemetak di tinting kedang. Nya alai, enti sema bisi utai enda ngena ditusi ditampung gigi atas rang, enti bisi utai salah pansut nyelepak ari dabong enggau dilah antara nyawa, aku minta ampun ari tunjuk kaki nyentukka punjung pala.

Anang kelalu muji sarang burung kanji taja iya tuchi kapas magang, anang mega ketawa ke sarang tudah burung puna media iya tak enchuit semina rangkang, anang mantah tingkah laban iya endang tebiang.

Ba baruh tu diselitka aku chara bala tau bekelala enggau tudah pangan, engka ke bisi utai ka dipanjaika randau kini. Bisi pejah seruri tauka buah penemu kini. Aku sigi nusun sepuluh jari ngelalu ke penatai semua utai nya.

Kitai Iban sigi patut bekunsika buah penemu ti manah enggau pangan diri, baka ke beduaka lampang rusa, bebagika lampang babi, ngenjuk lampang pelanduk, betetakka lampang bayak. Ngambika utai ti berat tau nyadi lempung, utai simpi tau segala, utai bingkuk tau lurus. Bekunsi kitai buah penemu ti manah enggau pangan diri ngambi ke bansa kitai tau pegari ditemu dunya, bediri sama tinggi, duduk sama pemaruh enggau bansa bukai.

Email: Iban@live.com

Talipaun Bincing: +60136643434

Facebook: www.facebook.com/Ibanpedia

Twitter: www.twitter.com/AllenCharlie

5 responses to “Allen Charlie

  1. Nyadi, nuan tu igat ukai anak Dr Charlie Dudang?

  2. Perhaps can you explain the origin of miring and piring which are in odd numbers.

    • The origin of Miring perhaps or most likely came from the tradition of Jews, included “BIAU”. What’s odd is even in Iban. Traditionally, we put God in line of everything we do. Seven is “Cun” in Iban Bart’s language which means perfect, that’s why the counting/offering of Miring starts from Sa and ends with Seven. Another example of the overrated mistake done by most Iban. “Pinang Belah Dua” is wrong, if we look it from the context of marriage as traditionally, “Pinang Dibelah TIGA (Odd)”. The shares of 3, one belong tot he husband and another goes to wife, while the 3rd goes to GOD.

  3. Welldone Allen … keep it up. Nyau makin lebat buah penemu nuan diatu.

Kitai Iban sigi patut bekunsika buah penemu ti manah enggau pangan diri, baka ke beduaka lampang rusa, bebagika lampang babi, ngenjuk lampang pelanduk, betetakka lampang bayak. Ngambika utai ti berat tau nyadi lempung, utai simpi tau segala, utai bingkuk tau lurus. Bekunsi kitai buah penemu ti manah enggau pangan diri ngambi ke bansa kitai tau pegari ditemu dunya, bediri sama tinggi, duduk sama pemaruh enggau bansa bukai. - Nadai salah mejah seruri, sigi endang dianti-anti. :)

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s