Tinchin Tusah Ati



Tu meh tinchin ke dikumbai orang “Tinchin Tusah Ati” ka digaga Ayak Dunging, Genius Iban ari Debak, menoa pegai alih Saratok. Tu gamal ia sebedau dipejantilka. Enti udah di adu ka nya baru nyengenda gamal ia baka tincin. Pama diri ga pengelama ka benjantil ka ia. Nyangka nya kebuah aki tu ngagga ka nama tincin tu bakanya engka nyau ”tusah ati” urang berunding ka baka ni ka ngadu ka tincin tu, enti telepas anyam/jai, nadai orang nemu ngadu enti enda ayak Dunging empu.🙂

Kada enda tuchum tuchum bala sida ayak enggau ibu meda gambar tu, mulai ke pingingat ya wai?🙂

Aku meri terima kasih besar ngagai Umang Atak ke udah bekunsi ke gambar tinchin tu enggau bala ba ruai kitai http://www.facebook.com/ibansarawak

One response to “Tinchin Tusah Ati

  1. Terima kasih ngagai nuan ka udah sempat bekunsi ka pemanah gambar "tinchin tusah ati" ka digaga siku bansa kitai Iban ka chukup landik, niang aki Dunging kelia. Aku kala meda lalu megai tinchin tusah ati nguji nyambung ia. Tinchin tu manah endar dipeda ukai semina ngasoh tusah ati tang tau mega narit ati. Mayoh endar dijual aki Dunging ba kaki lima di Betong kelia maya taun 70'an semak enggau kedai runchit Ah Kun sama sambung enggau kedai kupi Kai Kim. Aku nesal endar enda meli nyimpan siti. Tang kati ku enggau maya nya agi biak lalu agi beli enda nemu utai.

Kitai Iban sigi patut bekunsika buah penemu ti manah enggau pangan diri, baka ke beduaka lampang rusa, bebagika lampang babi, ngenjuk lampang pelanduk, betetakka lampang bayak. Ngambika utai ti berat tau nyadi lempung, utai simpi tau segala, utai bingkuk tau lurus. Bekunsi kitai buah penemu ti manah enggau pangan diri ngambi ke bansa kitai tau pegari ditemu dunya, bediri sama tinggi, duduk sama pemaruh enggau bansa bukai. - Nadai salah mejah seruri, sigi endang dianti-anti. :)

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s