Pengaya kitai Iban


Nama tanggung pengawa sastera tauka main asal ngena jaku kitai Iban dalam pengidup kitai kemaya haritu? Nemu kita? Ni penyampau iya? Mayuh; bisi ga positif enggau lalu bisi mega negatif.

Kitai mesti nemu iya nya sastera kitai bansa bejaku nyengkaum dalam semua pengawa: senentang lelaki enggau indu, anembiak enggau orang tuai, kitai bumai enggau pemesai, orang ke kereja enggau sekeda kompeni, kaya enggau miskin, penyayau enggau pemenchi, jadi enggau sarak, perang enggau bebaik, bepechah enggau beserakup, enggau mayuh agi.

Kitai mega nemu sastera mai mayuh macham mesej. Taja pia, sastera nya meh pengidup ke enda ulih diseliah, nama agi dibuai.

Sastetra kitai Iban? Kitai antara etnik di dunya tu ke mayuh macham adat enggau main asal. Kitai Iban kaya sastera. Sastera nya siti asil pengelandik kitai bansa ngena leka jaku ke nyadika pekara ke deka dipadahka. Sastera nya siti pekara pasal adat enggau main asal, ulah, runding sereta penemu enggau pendiau kitai.

Taja pia, gaya sastera ulih berubah nitihka jalai rebak enggau jeman pendiau mensia. Tang meh pengerembai sastera dikuasa mayuh macham pekara, baka pengerembai sosio-ekonomi, sosiopolitik enggau pemaju bansa kitai di dunya tu.

Sastera enggau leka main asal kitai Iban tumbuh maya sigi udah bisi tusun dalam jaku Iban, iya nya jaku asal bansa ke pemadu besai sereta ngerembai di Sarawak. Jaku Iban tu sama nyumbuk serentak enggau pendiau Dayak Iban di Indonesia. Jaku kitai Iban udah bisi di dunya tu kenyau ari urung 2500 ngagai 5000 taun dulu kelia.

Nitihka penemu Professor Derek Freeman, sastera kitai Iban kaya agi ari sastera Greek (Yunani) maya jeman Homer. Jaku Freeman tu udah nyadi bukti ke nyata maya mayuh macham gaya sastera bejaku Iban ditemu ari turun menurun dataika seharitu. Bisika kitai nguji nengkebang sastera dalam pengidup kitai seharitu?

Kita nemu, sastera Iban udar beurat ari mayuh macham penemu baka puisi – dalam main asal Iban baka jaku begeliga, jaku ansah, biau, pantun, sanggai, dungai, jawing sereta mayuh main benyawa baka pengap, renung, sugi, timang jalung, pelian enggau ensera, baka reti mitos, legenda, cherita ngerindang ati, ngasuh ketawa enggau ensera pasal jelu ke dikena ambika lalau enggau ajar pendiau kitai di dunya tu. Agi kelia, sastera kitai Iban nyadi ka pengidup ke bepanggalka adat. Ke nyadika penti pemali sebedau ngereja sekeda pengawa.

Kitai Iban kelalu kaya enggau main asal benyawa. Tu sebaka enggau lagu puisi ke udah didinga kitai ba radio tauka maya hari gawai datai. Tauka dilaguka sida tuai maya bisi pengerami. Bala pemacha tentu kala ninga main asal benyawa baka renung, timang jalung, pelian, sabak, jawang, ganu, sugi, pengap, dungai, pantun, sanggai, jara enggau ramban sereta main benyawa bukai mega.

Lalu mayuh macham agi penemu enggau main asal rayat kitai Iban ke makin ditinggalka. Sida tu nyengkaum penemu baka tusut, sampi, biau, jaku ansah, jaku tuai, jaku muka kujuk enggau begeliga. Lalu kitai mega bisi entelah ke endang chukup manah didinga kena ngelalai reti utai besilup.

Kita nemu, maya Raja Brooke merintah menua Sarawak, sastera kitai Iban udah ditulis sereta dipansik enggau chukup penalam. Sastera kitai udah ngerembai ke menua tasik lalu bulih puji ke chukup tinggi.

Sida ke udah ngaga pansik tu iya nya, A.W. Stonton, W. Howell, J. Derek Freeman – penulis Anya Kedap kala begulai enggau Freeman di Pulau Pinang dalam taun 1975 – Carol Rubenstein, Baughman, Erik Jensen enggau mayuh agi. Lalu mayuh bup tulis sida tu tau dipeda ba Mijum Sarawak.

Mega,sekeda bup sembiyang Kristian ditemu nulis sastera kitai Iban, baka Jalai Pengidup 1, Penyanggup Lama enggau Jalai Pengidup II. Siku orang putih AW Stonton mega udah ngaga jerita pandak Ensera Manang Gagak.

Jaku kitai Iban ngerembai mimit udah menua kitai merdeka. Pengerembai sastera kitai Iban ulih dibagi dua: ari taun 1963-1977, ke disebut rambau Biro Sastera Borneo lalu ari taun 1977 sampaika seharitu, disebut rambau Dewan Bahasa enggau Pustaka.

Maya tu meh jaku Iban bisi dipelajarka dalam sekeda sekula ke mayuh anembiak kitai Iban. Jaku Iban deka nyadi pelansar ngambika anembiak bansa kitai ngelala jaku Iban sereta adat main asal kitai Iban.

“Utai ke nyadika penyerekang, bisika anembiak kemaya haritu nemu reti sastera aki ini kitai? Ni pemayuh anembiak kitai bansa ke nemu pesaka peturun aki-ini kitai ke besangkut paut enggau sastera kitai Iban?” kenu ku siku professor ari Unimas ke enggai nama iya disebut ditu lebuh bejuraika pekara tu enggau siku ari penulis.

Mega, bisika bansa kitai Iban di dunya Sarawak agi kiruh enggau sekeda sastera kitai bansa? Dini kitai nyimpan sastera kitai Iban dalam pengidup kitai seharitu?

Pengidup kitai balat bendar bekaul enggau adat kitai. Ukai enda diasai, sastera kitai pengidup kitai. Taja pia, semina kitai enggai kiruh lalu enggai beduli ketegal kitai enda ngaku diri kitai bansa ke tulin laban ke dikungkung adat basa kitai. Kitai ngasaika diri nyelai ngembuan bemacham chara deka bejalaika sekeda adat. Kitai ngasaika diri ditanchang lalu malu ngembuan sastera ke nyelai ari bansa bukai. Kitai enggai ngaku.

Salah sapa? Engka salah bansa kitai empu? Salah aki-ini sereta apai indai kitai empun laban ke mutuska diri ari pengidup peturun bansa kitai. Angka salah rayat ke enda seati udah bisi ngembuan agama? Angka salah bansa kitai laban ke udah bepolitik lalu enda ngelala pendai penatai diri empu? Salah sapa ke bendar?

Sapa ke ulih ngetanka sastera kitai ke lain sereta nyelai tu. Sapa ke deka ngetanka sastera kitai ke chukup tebilang tu. Sastera kitai deka punas enti enda terus dikemeranka.

Lalu pia mega bansa kitai ke tulin mega tau nyadi punas enda temu tunga dudi ila enti nembiak rebak baru diatu majak ngejang diri ari penemu asal bansa diri. Tanya kitai empu sekalika temegah ati ngembuan main asal ke jauh kaya ari mayuh bansa bukai di dunya tu.

2 responses to “Pengaya kitai Iban

  1. hai..sy membaca satu post di FB awak..'IBAN'..sy ingin bertanya..adakah org iban membenci org muslim atau 'melayu'?? maaf sekiranya hal ini a little bit sensitive..cuma..sy syg kpd s'org lelaki yg b'bangsa iban..n i'm a muslim..hbgn kami serius..tp bila m'bc komen2 di dlm post awk tu..sy sdikit b'kecil hati..adkh isu di gaza itu disebabkan faktor agama semata2??? atau perikemanusiaan…negara kita begitu besar..adkh anda rasa kerajaan 'muslim' skrg ini mampu memberi kepuasan kpd semua pihak??? sy bukan penyokong mana2 pihak..tetapi semua agama tdk menyokong kekejaman dan penindasan..semua agama menuju ke arah perdamaian..apa yg m'bezakan..adlh jiwa individu itu sndiri..bukannya salah pada agama..semua agama suci..apa yg kotor..adlh jiwa manusia..emm..hopefully..anda berfikiran t'buka..sy m'hormati anda..sbb kita sama2 ank jati sarawak..msykt peribumi sarwak. dan awk s'org yg bijak dan b'pndidikan tinggi..bangga m'jd ank srwak. begitu jg sy.

  2. Hi AnonymousThanks for drop by.1st of all, as Iban I am, I do not anti Malay or Muslim. In fact, I have alot of muslim friends, included those who came from oversea such as Kuwait and Emirates itself. I do have a muslim family too, and some of them of course were Malay.My closest friend happened to be Malay, in which of course he was Muslim.But one thing I think I need to make it clear, my Malay/Muslim friend pay a very high respect towards me and my culture. Respect he means, they do not insult pork, which I believe meant to be the main food of Iban like Malay prefering beef/cow.That's no 1. and 2nd ly, my friends would not reject if it happened to be I'm offering food nor drink for them when they visit me at my house. But of couse as Malaysia, despite we do tolerate, we do embrace each other too. As friend, I will offering food/drink that I believe to be the most halal I can afford, which is pork and alchohol free. They will not question about the glass or plate, as long there's no pork before them, they'll be fine with it. I called it respect.Regarding the issue of Gaza, I believe its lies in the eyes of the beholder. its depend on anyone of us on how do we look at it.And lastly, I shared your opinion on semua agama menuju ke arah kebaikan, cuma manusia yang berpegang kepada agama tersebut acapkali mencemarkan nya. Non of us perfect, for which we're called human.Thanks again for your comment, and I'm sorry just in case my post did hurt some people sometimes. But most of the times, I believe, my post were fair and moderate for us, were, one nation and one country.

Kitai Iban sigi patut bekunsika buah penemu ti manah enggau pangan diri, baka ke beduaka lampang rusa, bebagika lampang babi, ngenjuk lampang pelanduk, betetakka lampang bayak. Ngambika utai ti berat tau nyadi lempung, utai simpi tau segala, utai bingkuk tau lurus. Bekunsi kitai buah penemu ti manah enggau pangan diri ngambi ke bansa kitai tau pegari ditemu dunya, bediri sama tinggi, duduk sama pemaruh enggau bansa bukai. - Nadai salah mejah seruri, sigi endang dianti-anti. :)

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s