Penan tinggal salah sapa?


Kebuah aku nulis blog post ke bekait enggau bansa penan ke saritu laban aku tekilan meda berita TV3 delaman. TV3 bisi mansut ke berita entang bansa penan ti kurang penemu dalam aspek “rogol” laban ko sida TV3, sex nya kira ke pekara biasa ngagai suku bansa sida tu, lalu ketegal nya tadi, mayuh bala penan ngandung sereta ngada ke anak maia umur ke agi biak, sereta mega mayuh ke nyadi “Ibu Tunggal”, bala anak enda nemu sapa apai sida.

Genteran ke chukup narit ati aku, maia sida ke madah ke bala Penan mayuh enda nemu utai ke bakatu laban sida nadai sekula. Bisi sekeda sekula sampai sekolah rendah aja, udah nya enda sekula agi laban ke sekolah menengah balat jauh ari menua sida, sampai bisi sekeda nyau tesat dalam kampung tegal ke ka nurun ke sekula. Sida mega bejaku madah ke bala nembiak penan patut ia diberi peluang ngambi ke ulih belajar ngagai sekula tinggi, ngubah sereta ngemanah ke agi pendiau pengidup sida ia.

Nyadi diatu salah sapa? Nama kebuah sida nembiak tu enggai sekula? Laban sekula jauh. Enti bisi sekula semak, nama kebuah sida enggai. Sema jaku, makai chukup gak (sekolah asrama). Sigi agi utai ke nyadi penanggur ngagai bala sida Penan, ti ngasuh bala anak sida nadai entu ati ka sekula ketegal jalai. Enti nyau begenggam semengat merau niti ai wong, bala kitai engka lembau meh ka mindah.

PM kitai, Datuk Seri Najib, bisi mansut ke genteran BN tu “Juara Rakyat” maia ke bejaku ba Sabah apin lama ke udah. Dia ia bisi madah ke rahsia Barisan National ulih nyadi Parti ti paling lama bekuasa dalam dunya tu, rahsia nya nadai lebih ari nemu sereta mereti ke pemerinsa sereta utai ke dikedeka ke rakyat – In touch of People.

PM kitai bisi mega madah ke BN deka ngemaju ke semua menua pesisir dalam Sabah enggau Sarawak ngambi ke menua pesisir ditu tau sebaka enggau menua pesisir ba Semenanjung. Thumbs-up!

Ia mega bisi madah ke ia deka nubuh ke Kabinet baru ti “betanggungjawab” ngemaju ke menua pesisir Sabah enggau Sarawak. Bravo!

Tang munyi ko orang, janji orang politik tu bedau entu ulih arap 100%. Tang dalam kontek tu, aku arap ke ia tau nyadi. Laban Orang Sarawak, kelebih agi bala sida ke diau ba menua pesisir, sigi ditemu kitai orang kuat BN. Orang ke ngejung ke BN tau nyadi parti ti merintah paling lama dalam dunya. Orang ke meri pemenang ngagai BN dalam pilihanraya ke udah. Orang Sarawak, kelebih agi sida ke diau ba menua pesisir patut diberi utai ke setimpal enggau sukung ke udah diberi sida ngagai perintah ngelama tu.

Tang enti semina Najib aja ke bekerah enggau konsep 1Malaysia ia, semina ia aja ke bekeras ka ngemaju ke menua pesisir Sabah enggau Sarawak, nadai meh guna. Munyi ko bala sida, mesti ka semua seragam sampai ke akar umbi.

Ngambi ke banding, enti Perintah deka ngemaju ke Bumiputera ngambi ke seiring sejalai enggau bansa bukai dalam Malaysia, nama ke buah nagang Maria Undau ke deka ngiga pemandai? Enti perintah deka ngemaju ke bala Penan ngambi ke sida mayuh agi ke bepelajar, nama kebuah sida nagang Damaris Panai ari Long Kevok, Baram nyambung pelajar ia ngagai maktab? Ketegal ia ke ngena I.C sementara ngambi SPM, nadai I.C ke endar. Nya ukai salah ia, enti udah sampai dua tiga kali ngaga tang lalu apin gak tembu. Salah sapa?

2 responses to “Penan tinggal salah sapa?

  1. Semua utai ke disebut dalam blog tu nang utai ke amai amai realiti nyadi ngagai kitai bansa ari Sabah & Srawak. Cerita dlm blog tu nyau ngingat ka pengalaman aku terubah mula2 besekula ba menua semenanjung maia taun 1998, maianya aku tepaksa ninggal ke menua sarawak ketegal nitih ke apai indai ke ngejang kreja ba kl.maianya aku baru masuk secondary school form 2. Keterubah aku ngelala kediri dlm class, maioh org ngumbai aku bansa cina bc ga sekeda ngumbai aku bansa laut. Aku pun lalu madah aku bansa IBAN. Semua bala classmate aku alu tebelenga nda kala nemu bansa iban, arini bansa iban? Nangka pengelelak aku explain ngagai cda ia dini asal usul aku, nda cukup nya aja, aku tepaksa explain ngagai org ari class lain utai ke sama. Bc siko pengawas bansa cina maia aku dlm form 3 ngerara aku nama kebuah aku nda ngena baju kurung? nama kebuah aku nda betudung? Maianya bc ati ka ringat, bc ga ati ka ketawa. Bc ga siko cikgu laut kadang2 bejako nyindir kitai bansa org ulu, aku kena tempias skali, tapi laban demi ngiga pemandai aku ngelak ka ia aja, nadai ati ka ngelaban ia, tapi dlm ati aku bejanji ngagai diri aku mpu aku deka nukar pemikiran cda org semenanjung, kitai bansa IBAN ulih bediri sama tinggi, duduk sama baruh baka cda ia. Nggau diberekat petara, aku diberi pemandai dlm graphic nggau editing, aku dilantik nyadi penolong editor, seretai dilantik nyadi pengawas. Masuk form 5, ditiki pangkat nyadi ketuai editor nggau ketuai pengawas. Laban keterubah aku bansa iban ke besekula ba sekula nya, bala cikgu ggau balaclassmates udah mula enchelak mata alu nda bejako sengapa lebih gik maia dalam subjek sejarah ke bekait nggau sejarah menua kitai, nadai gik nyindir bansa kitai, sereta alu maioh bala kaban minat ka bekaban ka nemu resam kitai iban.Nyak crita lama, tapi crita nya ka dikait ke aku nggau utai ke balat mai nyadi ngagai bansa kitai ke nda bulih hak bumiputra kitai baka ke sepatut ia. Ngagai bala perintah kitai mesti nagih hak kitai nya, ukai ngambi kesempatan ukai ngambi ulih ari keistimewaan nyak, tapi nuntut hak kitai nti kitai sigi layak, anang jampat pts asa tikitai ka bulih tempat. Baka Maria nggau Damaris arap ke sduaiia nda putus asa ka ngulih ke pemandai. Ngajih ke menua kitai bulih agi peluang ngemaju ke bansa kitai ngambi kitai ulih setanding nggau org semenanjung. Cukup meh cerita pemerinsa kitai dipantai kebaka ba tv3, ke patut kitai mantai ke pengelandik, pemandai nggai pemansang kitai udah tu. Pemerinsa kitai ke dipantai dlm tv3 ukai nagih penyinu org, tp nyau ngasoh kita dipeda hina nggau dikemeli ke bansa lain. Perintah ke diberi pengarap utk nulung kitai, mpai temu ulih. Bakani konsep 1Malaysia nya ulih nulung? Arap kitai bala menyadi bela ngerunding bakani konsep nya ulih nulung kitai? Nti baka ke diperati aku, konsep nya npai selari nggai nda semaik nggau kitai bansa sabah sarawak. Contoh paling senang, minggu orientasi ba Universiti ke tebilang ba menua ktai (nibuh ku nyebut nama*), bala kitai ke bumiputra ukai islam di asoh ngena bebaju kurung nggau tudung, nama mesti kitai ngena? Nama motif cda? Bakani kitai ka ngubah? Bakani ka ngait ke hal bakanya nggau konsep 1Malaysia? -SJC84-

  2. mmmm..slah sapa..x ulh slh ka sapa2…ku diau ba lmbng…umbs ya gak pmyuh bnsa penan…kasih tudah meda cdaya tuk…agik idup ngau gaya nomad…sorry…tpi nya meh peda ku..tang ukai suma bakanya…labn gaya pgdup cdaya suka brpndh rndah munyi kuk laut…nya meh tusah ka mbntu cdaya..nya jak ulh ku nybut…lbh ngai..ngai ka slh jako…rndu meda ayt nn mdh ka pgingin ati najib..amt ko nn..nya meh..nti njb kdri jak ka maju ka mnoa…tang org ka diau ba menoa baka YB2 ..ngai mantu ya..ndai guna…rugi jak…nya meh ngsuh urg x prcaya krajaan laban YB2 ka dlntik ngai gwa bendar..mena gawa meri perut bini ank makai ngau bini smpnan..nti bc meh..hehehe…ngagai anonymous…kacih kadang2 meda bala smnjung tuk…x nmu bnsa d swak…ops!!x nmu bnsa ka bc d mlysia…mina nmu bnsa ka bc ba malaya jak…seagi ukai cina,india ngau mlyu…ndai gik cda nmu…engka x kala diajar ka sbjek kajian tmptn maya skula suba…kdng2…baka kaban ku…sllu nygka ku urg sbh…cali mai…mina nmu sbh jak…swak x nmu…sepak ngau…nya jak ari aku..nti bc slh jako..ampun ka aku…

Kitai Iban sigi patut bekunsika buah penemu ti manah enggau pangan diri, baka ke beduaka lampang rusa, bebagika lampang babi, ngenjuk lampang pelanduk, betetakka lampang bayak. Ngambika utai ti berat tau nyadi lempung, utai simpi tau segala, utai bingkuk tau lurus. Bekunsi kitai buah penemu ti manah enggau pangan diri ngambi ke bansa kitai tau pegari ditemu dunya, bediri sama tinggi, duduk sama pemaruh enggau bansa bukai. - Nadai salah mejah seruri, sigi endang dianti-anti. :)

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s