Ensumbar Tuai Sarawak


Ari pengada TYT kitai baru udah ngelebus, tang surat khabar sampai ke saritu agi penuh enggau “ucapan tahniah” ngangkat p***r ari kompeni-kompeni tauka badan korporat ngagai sida ke bisi bulih pingat lebuh maia ari pengada TYT tu tadi.

Nyadi saritu aku ka bekunsi sekeda utai ke narit ati aku enggau bala kita.

Borneopost kala mansut ke genteran madah ke pingat “Datuk” menua Sarawak jauh tusah diulih enti dibanding enggau menua-menua ke bukai dalam Malaysia.

Tang utai ke balat narit ati aku ya ke dibaruh tu. Tu meh rimtai semua pingat ke direbut bala mensia setiap taun.

Aruh bala mensia bendar amat ke berebut ke pingat tu, peda kita pemanah curak pingat tu, lebih-lebih agi gelar tauka pangkat ke seiring-sejalai enggau ia.


Ensumbar Pingat: Dato Sri

Wow, Enti nyau sampai pingat ke ke diayan ke dalam gambar ke dibaruh tu, sejengkal kitai mansang wai. Jarang endar bansa kitai teulih ke tu.


Ensumbar Pingat: Datuk Amar

Pendiau curak pingat tu baka ke makin “GAP” nyau ngagai peringkat ke tinggi agi. Peda gambar pingat ke dibaruh tu, enggau ukir-ukir emas ia, chukup manah! Nya alai, ketegal pemanah ia, tau ditiap bala kitai ke bisi nerima pingat tu. Bansa kitai, kelimpah ari Datuk Patinggi Tan Sri Jabu, nadai agi ke bukai ditemu aku.


Ensumbar Pingat: Datuk Patinggi

Tu tadi dua iku aja gak nerima pingat tu, pingat ke-terubah diberi ngagai Niang Laila Taib dikena ia di sebayan din, pingat ke-dua diberi ngagai tengku mahkota Johor ngambi ke bisi disimpan ia dalam stor, kapa ia nya ko ia.

Tang sayau-sayau buah kemayau, sigi pingat aku enda kala tepeda ke gambar, aku nemu, pia mega bala kita. Pingat tu pingat ke pamadu besai dalam menua Sarawak ti semina diuan siku aja, orang ke nguan ia mega orang ti pemadu besai enggau kering dalam Menua kitai tu. Pingat tu dikumbai Satria Bintang Sarawak ti mai ensumbar Pehin Sri ti bisi diuan siku aja dalam bejuta, ianya YAB Pehin Sri Taib kitai. Nadai agi orang bukai dalam menua Malaysia tu, kelimpah ke ari Pehin Sri Taib enggau Pehin Sri Tun Mahathir.

Pingat tu engka mayuh pemali alai enda tau dipeda anak mensia baka kitai tu. Nadai orang kala nemu pendiau curak pingat tu ya ke ditemu aku.

Bakani enda gaya pendiau curak pingat Satria Bintang Sarawak tu kini?
Imagine…

Kada enda baka tu?


Yo yo, wassup homeys!

Kitai Iban sigi patut bekunsika buah penemu ti manah enggau pangan diri, baka ke beduaka lampang rusa, bebagika lampang babi, ngenjuk lampang pelanduk, betetakka lampang bayak. Ngambika utai ti berat tau nyadi lempung, utai simpi tau segala, utai bingkuk tau lurus. Bekunsi kitai buah penemu ti manah enggau pangan diri ngambi ke bansa kitai tau pegari ditemu dunya, bediri sama tinggi, duduk sama pemaruh enggau bansa bukai. - Nadai salah mejah seruri, sigi endang dianti-anti. :)

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s