Enda entu ulih nyadi


Bedau lama ke udah, pala menteri kirai Malaysia Dato’ Seri Najib udah madah ke kitai enda lama agi, kitai bisi F1 tem kediri empu, team tu dikumbai kitai 1Malaysia F1 Team. Kelimpah ke ari utai ke udah disebut aku dalam post ke bekait enggau tu ke udah, aku bisi utai ka ditambah agi.

Bedau entu lama ke udah mega bala laut udah abis beraya (cuti), rekod Ops Sikap orang ke bebadi ba jalai alun jauh tinggi ari taun ke udah. Maia ditanya TV3, tuai polis menua Tan Sri Musa Hassan madah ka, Ukum bunuh bala sida ke driba laju nadai meh beduna, laban orang Malaysia sigi ka laju mai kereta laban sida ia landik)


Nya aku berunding, orang Malaysia chukup berani driba kereta, sapa enda nyadi driba kereta 1 Malaysia F1 tu ila? Orang Malaysia? Tauka 1 Malaysia udah digiga tang enda tetemu, alai ngambi driba ari menua ili?

Mayuh gak orang ke enda puas ati ke project Mega MAlaysia 1 Malaysia F1 tu, kelimpah ke ari utai ke disebut Najib, nuan enggau aku nemu, project besai tu beguna ke duit tax, duit rakyat. Duit nuan enggau aku. Mayuh bala kitai enda yakin enggau project tu..

Aku percaya bala kitai tentu bisi kebuah ti chukup manah alai kitai enda yakin enggau projek tu, maksud aku.
Heh, come on, this a Malaysian Government + Proton + AirAsia project. You know I know lah…

Nama kebuah 1 Malaysia F1 Team tu enda entu ulih nyadi, ba runding aku, enggau pendiau pengidup kitai orang Malaysia, baka tu…

#1. F1 bukai sigi udah ditemu driba ia. 1 Malaysia F1 bedau temu agi.

Sida Abu, Ah chong enggau Mutu sama bela enggai alah, sama ka driba. Bedau agi tambah sida Singh, sida Laing sida Empangup enggau sida ke bukai…
1 Malaysia mah.. ko Ah chong

#2. Poooooootttt.. ko siren bebunyi nanda ke lumba start. Kereta F1 ke bukai bekedebus bela ka ngenulu ke diri. 1 Malaysia F1 Team agi bedau ba garis start..

Nama Kebuah?

#3. Enti bisi accident maia ke belumba ba litar, ari ke nerus ke diri ngagai garis penamat, 1 Malaysia F1 kitai enda mukai-mukai temu nekan break, slowind down.

Nama kebuah?
Ngetu dulu, kiruh ke orang ke accident.

#4. Maia ke benung driba ba tengah jalai, 1 Malaysia F1 kitai ke enda mukai-mukai temu nguing ke diri ngagai stesen minyak ke paling dampih enggau Litar Sepang.

Nama kebuah?
Laban perintah baru udah madah ke rega minyak ka niki pagi la, sebedau rega niki, isi penuh lok minyak, pama meh.

#5. Benung ba jalai lurus, ujan enda ribut enda, enda mukai-mukai, 1 Malaysia F1 kitai temu tebabas lalu ngembal ke kereta F1 team ke bukai sepiak ia.

Nama kebuah?
Laban pangan driba 1 Malaysia baru udah sent ia sms. Nyadi driba ke chukup landik tu tadi driba ngena sepiak jari aja, sepiak agi kena sms. Mata dijual ke bukai…

Nya kebuah 1 Malaysia F1 tu ke enda entu nyadi.
Kebuah BMW Sauber Team narit diri ari F1, laban saritu RM1.80 rega minya diisi petronas ke sida, pagila RM2.00.

Kitai Iban sigi patut bekunsika buah penemu ti manah enggau pangan diri, baka ke beduaka lampang rusa, bebagika lampang babi, ngenjuk lampang pelanduk, betetakka lampang bayak. Ngambika utai ti berat tau nyadi lempung, utai simpi tau segala, utai bingkuk tau lurus. Bekunsi kitai buah penemu ti manah enggau pangan diri ngambi ke bansa kitai tau pegari ditemu dunya, bediri sama tinggi, duduk sama pemaruh enggau bansa bukai. - Nadai salah mejah seruri, sigi endang dianti-anti. :)

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s