Melentur buluh biar dari rebung nya ko laut.



Anak rebak baru kitai bansa serta ada lalu nemu Micky Mouse, besai mimit lalu ngelala Ben10, meli komik cerita naruto, meda cerita Harry Potter. Nama kebuah pia laban kitai nadai buku/komik/cerita serta utai ti tau merindang anak kitai lalau tau mupuk ke semangat rindu ke bansa kitai empu. Kitai iban mayuh ensera tang enda datai dalam bentuk ke tau dikerindu ke nembiak baka komik, buku cerita, katun etc.
Nama dipelandik ke Mr Bean, Apai Saloi kitai sigi bisi.

Maia ke bertemu ngau kawan aku AP Dr. Wee, dia ia madah ke ia benung ngaga research pasal cerita VDC iban, taja pan enti ari segi quality ia sigi ka kurang mimit, tang sambutan ari bala iban chukup manah. Ia mega bisi madah ke aku diatu bisi orang benung ngaga cerita rentap. Nadai kebuah gak, cerita rentap, ensera iban sigi chukup manah, tang manah agi enti utai nya digaga kitai bansa. Indah ke Mel Gibson ngaga cerita “Apocalypto” dalam babas tau meh nyadi Box Office.

Cara kitai, mupuk kitai bansa ngambi ke nemu bansa diri nadai lebih agi ari maia sida agik nembiak. Melentur buluh biar dari rebung nya ko laut. Salah sigi cara nya tadi mupuk pengerindu sida ngagai bansa kitai iban ari cara ke dikerindu sida baka ensera kitai iban.

Enti dipikir dua tiga kali, nembiak ke nadai ulih kelari ke ari rindu meda kartun serta macha komik, nama kebuah kitai bansa enda nyelit ke ensera kitai iban dalam bentuk ke bakanya?

Utai nya komik/kartun 3d semua ulih gaga, aku ulih minta Dr Wee ngatur bala sida ke ngambi master program dalam media/art ba Swinburne ngaga project ke baka tu, laban ia empu (Dr Wee) chukup rindu ke ensera iban. Tang penanggur kediatu, ni bagi publication ke ulih mantu? Pegari Production? Tun Jugah Foundation? Enti bala kita bisi kaul ngau bala sida tu, enda salah gak madah ke aku, ngambi ke utai tu enda semina nyadi jaku aja. Terima Kasih.

Kitai Iban sigi patut bekunsika buah penemu ti manah enggau pangan diri, baka ke beduaka lampang rusa, bebagika lampang babi, ngenjuk lampang pelanduk, betetakka lampang bayak. Ngambika utai ti berat tau nyadi lempung, utai simpi tau segala, utai bingkuk tau lurus. Bekunsi kitai buah penemu ti manah enggau pangan diri ngambi ke bansa kitai tau pegari ditemu dunya, bediri sama tinggi, duduk sama pemaruh enggau bansa bukai. - Nadai salah mejah seruri, sigi endang dianti-anti. :)

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s