BAKANI KITAI IBAN DIKELALA ORANG



IBAN DIKELALA ORANG KETEGAL IBAN RAJA BERANI,
IBAN DIKELALA ORANG KETEGAL IBAN NADAI PENGELEMI.
IBAN DIKELALA ORANG KETEGAL IBAN RAJIN GAWA,
IBAN DIKELALA ORANG KETEGAL IBAN PANDAI BESEKULA.
IBAN DIKELALA ORANG KETEGAL BEJAKU IBAN LANDIK,
IBAN DIKELALA ORANG KETEGAL INDU IBAN BAJIK.

TAJA PIA…

IBAN DIKELALA ORANG KETEGAL IBAN BAGAS NGIRUP,
IBAN DIKELALA ORANG KETEGAL TULANG IBAN BURUK.
IBAN DIKELALA ORANG KETEGAL IBAN UDU BEDENGKI,
IBAN DIKELALA ORANG KETEGAL SLALU BEJAI PANGAN DIRI.
IBAN DIKELALA ORANG KETEGAL ENDA KALA SEATI,
IBAN DIKELALA ORANG KETEGAL SLALU NGATI KEDIRI.

UJI UBAH PENGAWA ENGGAU ULAH SERTA PERENGAI KITAI NGAMBIKA KITAI ENDA DIKEMELI SERTA DI INDIK BANGSA BUKAI.

1. UJI KITA SEATI NEGI KE NAMA, BANGSA ENGGAU MENUA.

2. ORANG KE PANDAI SEKULA BEGEMPUNG ATI MERI PENEMU NGAGAI SIDA KE ENDA NEMU.

3.ORANG KE BISI LEBIH BELANJA, GAJI BESAI MERI PUPU NGAGAI TABUNG TURU BANGSA DAYAK KENA NGEMANSANG KE SEKULA SIDA KE SERANTA.

4.SIDA YB,MENTERI BANSA DAYAK PERATI KE BANSA DIRI, TULONG UBAH PENDIAU, PENGIDUP SERTA KEMAJU KE SEMUA RAYAT ENGGAU NGEMANSANG KE TANAH SIDA UKAI NYUAL NGAGAI BANSA CINA. UKAI SEMINA NGISI PERIUK ASI DIRI.

5.ADA SERTA BERI KUSRSUS PASAL PENGAWA DAGANG DI MENUA PESISIR TAUKA BA RUMAH PANJAI NGAGAI BANSA KITAI KE DIAU BA MENUA PESISIR.

6.KEMERAN KE AJAR JAKO IBAN ENGGAU ORANG PUTIH NGAGAI ANEMBIAK ARI PRA-SEKOLAH BA ULU SUNGAI.ANANG ARAP KE JAKO BM NYA, NADAI TUJU ENTI KELUAR SEKULA ILA NADAI ORANG NGENA JAKO MELAYU ENTI GAWA BA DUBAI,PARIS,AFRICA,CANADA,ARAB ENGGAU BA DINI-DINI COMPANY.NGARAP KE KERJA PERINTAH SEMINA 10% PELUANG KITA DAYAK….MANAH ENTI DATAI DIA.

7.PEMANSANG BA POLITIK MESTI DIAJAR NGAGAI SIDA KE TUAI NGAMBIKA SIDA ENCHELAK SERTA NEMU RETI PASAL POLITIK KE DIARI TU.

8.JAKO TI BEJAI ORANG TAU DIKETU KE DULU,PANSUT PENEMU KE TAU NGEMANSANG KE UNTAK ORANG UKAI NGERACHUN NGASOH BELAYA.

9.PANSUT KE RUNDING BAKANI DUIT TAU DATAI 1000 RM SEARI……………….ENGGAU JALAI BETANAM BETUPI,SERTA NGEMANSANG KE TANAH ENGGAU CARA BEJUAL KE ASIL.

10. BERUBAH KITAI DIRI EMPU SEBEDAU KITAI KA NGUBAH BALA KE BUKAI.

Kitai Iban sigi patut bekunsika buah penemu ti manah enggau pangan diri, baka ke beduaka lampang rusa, bebagika lampang babi, ngenjuk lampang pelanduk, betetakka lampang bayak. Ngambika utai ti berat tau nyadi lempung, utai simpi tau segala, utai bingkuk tau lurus. Bekunsi kitai buah penemu ti manah enggau pangan diri ngambi ke bansa kitai tau pegari ditemu dunya, bediri sama tinggi, duduk sama pemaruh enggau bansa bukai. - Nadai salah mejah seruri, sigi endang dianti-anti. :)

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s