Wajib lulus Bahasa Inggeris dalam SPM, patut ke enda.


Nadai hal, nadai ngawa,
padi ke perisi semampai bentur dtakang,
tang padi ke berampa semina murai kerapuk.

Nang sigi enda ulih disangkal ke pementing bahasa inggeris ba dunya ke diatu, ukai semina diatu, tang meh sigi ari ia ke suba, laban bahasa inggeris nya nang bahasa dunya. Perintah nang sigi patut udah nemu utai tok kelia, tang meh laban ke deka ngangkat ke bangsa ke sebengkah, bahasa inggeris ke dikena bala akik, inik, apai ngau indai kitai ke sekula menya ditukar ngagai bahasa melayu.

Nyadi bala kitai iban ke bersekula ba sekula perintah nadai pilih bukai, enti perintah ngatur sekula ngena bahasa melayu, bahasa melayu nya meh dipelajar ke kitai. Lebih-lebih agik bala kitai iban ke diau ba menua pesisir.

Setiap kali ai bah, setiap kali pantai berubah. Setiap kali menteri pelajar bersilih, setiap kali nya meh polisi pelajar tau berubah mega. Ya ke nyadi mangsa bala cikgu ngau bala pelajar. Lebih lebih agik, bala anembiak kitai iban ari menua pesisir.

Enti ba runding aku, bahasa inggeris nang sigi beguna. Tang meh, enti bahasa inggeris nyadi ke syarat wajib lulus ba SPM, aku enda entu setuju. PPSMI udah cukup ngenusah ke bala anembiak kitai, sidak ia lebih agik ngagai ngingat ke utai ke dipelajar ngau cara menghafal ari ke nemu utai nya.

Anak bangsa kitai ke diau ba negeri nang setanding ngau bangsa bukai, bisi sekeda nya jauh ngelui. Tang meh, bala anembiak iban ke diau ba menua pesisir bedau ulih nerima cabaran tok, mayuh agik ke bedau bersedia. Enti program tok diterus ke perintah, ni enda makin mimit bala kitai ke ulih lepas SPM ila?

One response to “Wajib lulus Bahasa Inggeris dalam SPM, patut ke enda.

  1. Nang amat utai ko nuan nya unggal. Kami ke cikgu tok aja meh ke nemu pemerinsa anak bangsa kitai belajar ke bahasa inggeris, tambah agik ngau PPSMI. Anak bangsa kitai ke diau ba negeri nang setanding ngau bangsa bukai, bisi sekeda nya jauh ngelui. Tang meh bala anak sidak ke diau ba menua pesisir bedau ulih nerima cabaran tok, mayuh agik ke bedau bersedia.

Kitai Iban sigi patut bekunsika buah penemu ti manah enggau pangan diri, baka ke beduaka lampang rusa, bebagika lampang babi, ngenjuk lampang pelanduk, betetakka lampang bayak. Ngambika utai ti berat tau nyadi lempung, utai simpi tau segala, utai bingkuk tau lurus. Bekunsi kitai buah penemu ti manah enggau pangan diri ngambi ke bansa kitai tau pegari ditemu dunya, bediri sama tinggi, duduk sama pemaruh enggau bansa bukai. - Nadai salah mejah seruri, sigi endang dianti-anti. :)

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s