Laban ia Iban


Pagi tok maia ke macha borneo post, aku bisi terbaca ke berita ti chukup narit ati aku, berita pasal siku anak iban ti cukup terbilang nama. Nadai enda dikelala orang ba rantau malaysia tok, enti enda ngelala, ngaga diri nya, tauka tau disebut nadai berpenemu laban ke enda nemu pasal sejarah menua kitai empu, Malaysia.

Anak iban ti desebut ka aku nya tadi nama ia Kanang anak Langkau. Enti kitak bala kaban kala berati ke pengawa tok, dia meh kitai tau ninga nama Kanang tok disebut maia semak semak bulan merdeka baka ke diatu. Enti maia ari ari ke bukai, jarang kitai ninga orang bertusi ke pasal ia. Nadai hal, nya enda ngawa. Tang meh jerita ti balat narit ati aku ba berita Borneo Post saritu nya bersangkut paut ngau ayak Kanang kitai tok tadi madah ke diri enda entu dikingat ke orang jasa ia. Ia nadai nerima utai ti patut diterima ia pemulai ari ia ti ngadai ke nyawa kena nan ke menua kitai tok maia perang ngelaban komunis suba.

Kanang anak Langkau tok meh salah siku orang ti kala nerima pingat ti pemadu besai dalam soldadu, ianya pingat SP (Seri Pahlawan Gagah Perkasa) ari Yang dipertuan Agong Sultan Ahmad Shah, 2 june 1981. Enti dibanding ke ngau pingat-pingat lain ke bisi ba Malaysia tok, SP tok tinggi agik “TUN”.

“We (me and my friends) were not hungry of Datukships” – Kanang madah ke diri ia enda kala lapar tauka keran ka ngulih ke pangkat Datuk tauka nama-nama pangkat pemesai ari perintah. Tang ia ngarap ke perintah tau mampas, meri utai ke manah gik, utai ti patut diulih ia baka tanah kena bertupi, duit pencen ti tinggi agik, kena idup ke meruan agik ari ke diatu.

Enti ko aku, Kanang sigi enda patut diberi pangkat Datuk. Nama kebuah aku madah bakanya? Laban mayuh amai orang ti nadai jasa, nadai berpenemu pan tau bulih pangkat Datuk magang. Belagu tau bulih pangkat Datuk, berlakon tau bulih pangkat Datuk, baru angkat mimit-mimit nama tegal pengawa ti enda tentu nipak ke pangkat nya pan tau bulih pangkat Datuk. Nya alai aku madah ke Kanang enda patut bulih pangkat Datuk. SP tinggi agik ari TUN, mayuh kitai Malaysia ke bisi pangkat Tun, SP 12 iku aja, Tun Kanang baru ia! Nama kebuah ayak Kanang tau enda diberi pangkat ti bakanya? Laban ia Iban!!

3 responses to “Laban ia Iban

  1. sigh… sigik amai nyak. ketegal ia iban and baka nyak meh bala hero iban kitai ke bukai… kasih tudah ayak kanang. bala laut cgek pemaduk bam bala taib mamut. even bala ya and ya empu ndak kalak jadi ngau bansa sidak empu and kak agik jadi ngau bala orang putih laban sidak nemu bala sidak laut sigik nadai utai kulih. Azuzephre-

  2. em… ya … nya meh siti ari penipang bansa kitai enggau bansa bukai… agi nuan ingat cerita Bukit Sauk empai lama ari nya…. lalu bulih pingat nya meh Panglima ke numbang(kenu ku jaku)… nemu nya ga bansa kitai ga mati/parai… kasih ke tudah niang Matthew… pemarai tudah.. laban reka rama ari bansa bukai… Terima kasih ke nuan Allen udah meri peluang Ngomen ba blogger nuan tu….

  3. Sinu…sinu amat aku ngenang perkara tok. Enti Niang Temenggung Jugah agi idup, sinu ia ngenang bansa kitai tok lubah endar di palik…ka bejako mimit, mar endar mesti ka dijaga enggai ke bisi urang besai gik mansik utai ko jako kitai tok….gah3 munyi tapak kaki memunyi bejalai ba letan jalai babas….

Kitai Iban sigi patut bekunsika buah penemu ti manah enggau pangan diri, baka ke beduaka lampang rusa, bebagika lampang babi, ngenjuk lampang pelanduk, betetakka lampang bayak. Ngambika utai ti berat tau nyadi lempung, utai simpi tau segala, utai bingkuk tau lurus. Bekunsi kitai buah penemu ti manah enggau pangan diri ngambi ke bansa kitai tau pegari ditemu dunya, bediri sama tinggi, duduk sama pemaruh enggau bansa bukai. - Nadai salah mejah seruri, sigi endang dianti-anti. :)

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s