Category Archives: Leman Bukai

Syarat Am Kemasukan Ijazah Sarjana Sastera (Bahasa Iban) Dengan Kepujian

IJAZAH SARJANA SASTERA (BAHASA IBAN) ) SECARA PENYELIDIKAN

  1. 1.       SYARAT AM KEMASUKAN

                  Ijazah Sarjana

  1. Ijazah Sarjana Muda dalam dengan Kepujian dan mendapat sekurang-kurangnya PNGK 2.75 atau PNGK yang boleh dipertimbangkan oleh Fakulti, dari Universiti Pendidikan Sultan Idris atau ijazah yang setara dari mana-mana institusi pengajian tinggi; atau
  2. Kelulusan lain yang diiktiraf oleh Senat; dan
  3. Memenuhi syarat-syarat khas program yang ditetapkan oleh Fakulti yang berkenaan jika berkaitan.
  4. Siswazah antarabangsa disyaratkan Lulus TOEFL 550 atau IELTS 6.0 kecuali siswazah yang mengambil bidang pengajian Bahasa Melayu atau bidang pengajian yang menggunakan Bahasa Melayu.
  1. 2.       SYARAT KHAS PROGRAM
    1. Calon boleh bertutur dan menulis dalam Bahasa Iban.
  1. i.        KAEDAH PELAKSANAAN PROGRAM
    1. Program dikendalikan secara penyelidikan sepenuhnya yang melibatkan cadangan kajian, penulisan tesis, seminar dan penerbitan. Pelajar boleh diminta untuk mengambil kursus-kursus tertentu sebagai audit atas cadangan Fakulti.
    2. Tesis boleh ditulis dalam Bahasa Inggeris atau Bahasa Melayu.
  1. i.        PENILAIAN / PEMARKAHAN PROGRAM

                  Ijazah Sarjana

  1.                                        i.      Seorang pelajar hendaklah mengemukakan satu tesis tidak melebihi 60,000 patah perkataan.
  2.                                      ii.      Tesis akan diperiksa oleh dua (2) orang pemeriksa yang terdiri daripada seorang Pemeriksa Dalam dan seorang Pemeriksa Luar yang dilantik oleh Senat berdasarkan pencalonan dari Fakulti.
  3.                                     iii.      Penyelia boleh hadir sebagai pemerhati serta memberi pandangan (jika perlu) kepada Jawatankuasa Viva.
  4.                                    iv.      Urusan pengendalian peperiksaan tesis hendaklah dibuat oleh Institut Pengajian Siswazah.
  5.                                      v.      Laporan penilaian tesis oleh Pemeriksa Dalam dan Pemeriksa Luar hendaklah berpandu kepada Borang Penilaian Tesis.
  6.                                    vi.      Laporan Pemeriksa Dalam dan Pemeriksa Luar hendaklah dihantar kepada Institut Pengajian Siswazah sebelum Viva diadakan.
  7.                                   vii.      Ahli Jawatankuasa Viva terdiri daripada:
  • Pengerusi: Dekan Fakulti atau wakilnya
  • Ahli: Pemeriksa Dalam
  • Ahli: Pemeriksa Luar
  • Ahli: Dekan Institut Pengajian Siswazah atau wakilnya

viii.      Perakuan penilaian tesis oleh Jawatankuasa Viva hendaklah dibentangkan untuk kelulusan Senat bagi:

  • menganugerahkan Ijazah Sarjana kepada pelajar tanpa pindaan kepada tesis; atau
  • menganugerahkan Ijazah Sarjana kepada pelajar tertakluk kepada pembetulan kesilapan kecil seperti kesilapan taip, ejaan, tanda baca, memperjelaskan fakta, hujah dan kesimpulan seperti yang disyorkan oleh Jawatankuasa Viva. Calon diberi masa tidak melebihi tiga (3) bulan untuk memperbaikinya. Pembetulan tesis hanya perlu oleh Penyelia sahaja; atau
  • menganugerahkan Ijazah Sarjana kepada pelajar tertakluk kepada pembetulan kesilapan sederhana besar seperti memperjelaskan fakta, hujah dan kesimpulan serta menulis semula sebahagian daripada tesis seperti yang disyorkan oleh Jawatankuasa Viva. Calon diberi masa tidak melebihi enam (6) bulan untuk memperbaikinya. Pembetulan tesis hanya perlu disahkan oleh Penyelia dan Pemeriksa Dalam jika diputuskan dalam Mesyuarat Viva; atau
  • menganugerahkan Ijazah Sarjana kepada pelajar tertakluk kepada pembetulan kesilapan besar seperti menganalisis semula data, membuat semula kesimpulan dan menulis semula sebahagian tesis. Tesis yang diperbaiki ini perlu diperiksa semula dan diperakukan oleh Jawatankuasa Viva. Calon diberi masa tidak melebihi dua belas (12) bulan untuk membuat pindaan atau;
  • Gagal dan tidak dianugerahkan ijazah Sarjana.

ix.            Gred Tesis

Gred berikut boleh diberi untuk pencapaian sesuatu tesis:

  • Lulus, atau
  • Gagal

*** Tanya silik tau dipanjaika ngagai aku ba laman twitter @AllenCharlie

Program Master enggau Ph.D Bahasa Iban ba Universiti Pendidikan Sultan Idris (UPSI)

PROGRAM MASTER & Ph.D BAHASA IBAN
Enggau basa ti besai sereta gaga ati aku ngansak bala kitai Iban belajar baru enggau bejalaika pansik ti bekait enggau kitai bansa dalam program Master enggau Ph.D Bahasa Iban ba UNIVERSITI PENDIDIKAN SULTAN IDRIS (UPSI).

Kedua-dua program tu program pansik penuh (by research). Reti nya lebuh maya ke minta, kita meseti bisi nganjung rangka proposal ti nyengkaum:

1. Research background
2. Problem statement
3. Objectives
4. Research questions
5. review of literatutre ti bisi bekait enggau study nya
6. Methodology: Research design, venue, participants, instruments, data collection procedure, data analysis.

Kita ke bisi ati deka minta program tu ulih milih siku ari penyelia entara Dr. Rosline Sandai tauka Dr. Chemaline Usop.

Peminta ulih digaga ni maya. Tang enti deka berengkah bejalaika pansik/belajar bulan September tu ila, peminta meseti dianjung diatu laban panel penilai deka berati sereta betatika proposal ti digaga kita dulu.

Kus Program Master:
Minimum – 3 semester (1.5 tahun)
Maximum – 10 sem (5 tahun)
Kus Register =RM460.00
Kus Semester – RM1,195.00 x 4 sem =RM5,240.00

Kus Program Ph.D:
Minimum – 6 sem (3 tahun)
Maximum – 14 sem (7 tahun)
Kus Register – RM460.00
Kus Semester -RM RM1,457.00 x 8 sem =RM12,120.00

Peminta sechara online tau dipeda ditu: http://ips.upsi.edu.my
Kus pelajar ti nyentuk agi tau dipeda ditu: http://ips.upsi.edu.my/index.php/prospectus.student/fees.structure/local-tuition-fees

Tanya ti silik agi tau dipanjaika ngagai Penyelaras Bahasa Iban (UPSI) Dr. Rosline Sandai ba:
Talipaun: 05 4505407
Email: rosline@fbk.upsi.edu.my

Terima kasih. Iban mansang!

Allen Charlie

Nengkebang Dunya Mansang

Niat ati aku nengkebang ruai tu alai aku bekunsika cebik penemu mimit ngenang diri ka chukup pemerinsa begigaka penyanding penemu maya aku ke bejalaika pansik ngaga “Research” ti bekait enggau MAIN ASAL IBAN laban tau disebutka nadai penyanding penemu ti nyata enggau nyemetak ngenang siti-siti main asal kitai Iban dalam dunya internet ti mungkur dunya mansang tu.  Terima kasih besai diberi ngagai aya Gregory Nyanggau Mawar ti enda nemu leju nyaut tanya aku ari suba nyentukka saritu, pia mega ngagai aya Rintai Edmond ti enda nemu lembau nguluka tudah aku sereta ngaturka pejalai betemu enggau sida ke tuai ti landik amai sereta dalam penemu dalam pengawa asal kitai bansa.

Main Asal Iban tu siti ari identiti kitai bansa ti ngasuh kitai jauh ngelui ari segi litaricha enggau pengayajaku ari raban bansa bukai. Jarang bansa bukai ke enda muji raban bansa kitai Iban laban ngembuan pengelandik ngena sereta ngaga leka jaku ke setimbal dalam main kena betundi tauka dikena dalam pengawa begawai enggau pengawa rama sereta pengerami baka melah pinang tauka pengerami bukai ba rumah panjai.

Orang ti selalu didinga kitai muji pemanah enggau pengaya jaku kitai nya nadai lebih agi ari bala ribai ke bisi ngadu pansik dalam main enggau adat asal bansa Iban ari kelia ngagai diatu. Enti kitai kala macha sekeda bup dalam jaku Inglis ke ditulis bala sida Prof Derek Freeman, Prof Clifford Sather, Malcolm MacDonald, Ling-Roth enggau sekeda scholar ke bukai, kitai tetap temegah ati ninga puji sida pasal jaku enggau pengaya main sereta adat asal kitai Iban.

Freeman madah bala kitai Iban tu ‘Master of Language‘. Ku Freeman, kita Iban pandai ngena jaku, ba jalai jaku, ngaga jaku, ngemanahka jaku, landik milih sereta ngeripih leka jaku sereta mega ngembuan mayuh bengkah main ke ngena tusun jaku setimbal munyi, baka ke dikena dalam “poems” enggau “prose” dalam jaku bansa Ribai. Nya nanda ke pemanah jaku kitai standing enggau jaku bala ribai.

Kitai Iban ngembuan mayuh bansa main asal benyawa ke ngena tusun jaku ke setimbal sama semunyi dalam mayuh bengkah Pengap, Renung, Ganu, Sanggai, Pantun, Timang Jalung, Timang Kenyalang sereta Timang bukai, Sugi, Dungai, Jawang, Ramban, Pelandai, Sabak, Pelian enggau sekeda main asal bukai. Main asal bukai ke enda ngena nyawa nya baka Sampi, Biau, Ai Ansah, Geliga, Entelah enggau utai bukai.

Tuat ruai tu didirika aku ngambika ulih dikena ngenang sereta ngenanka pemanah jaku kitai bansa ngambika jaku tu enda lenyau mabun laya nitihka aki ini kitai ke Serawai Mandai Betangga Tunggang lalu pia mega awakka iya tau nyadika pesaka sida Titik Nasan Pantau Ajan Panjai Lengan, Tuai Sebayan ba Bedega Lintang Takang.

Utai ti dipantaika aku ditu endang iya enggi bala mayuh, sigi enda salah diambi tauka dikerembaika ngambika jaku kitai Iban tau ngerembai ngerekai serata dunya laban kitai Iban sigi patut bekunsika buah penemu ti manah enggau pangan diri, baka ke beduaka lampang rusa, bebagika lampang babi, ngenjuk lampang pelanduk, betetakka lampang bayak. Ngambika utai ti berat tau nyadi lempung, utai simpi tau segala, utai bingkuk tau lurus. Bekunsi kitai pengidup ti manah enggau pangan diri ngambi ke bansa kitai tau pegari ditemu dunya, bediri sama tinggi, duduk sama pemaruh enggau bansa bukai.

Taja pia, kasih-kasih mih ka tudah pangan, enti kitai amat begunaka penemu orang, enda salah kitai minta, anang te ngambi pia aja. Kenang-kenang mih tudah pangan dalam penatai penyanding penemu – Credited to Allen Charlie – www.LekaMainIban.WordPress.com

Kepenudi bendar, aku ngarapka laman tu ulih nyadika penyanding penemu ngagai bala pengajar Iban, nembiak redak ke agi belajarka jaku Iban baikka iya di tikas sekula, institut pematih pengajar tauka universiti. Angkat kitai sereta sama pejalai tuju singkang, angkat kitai seringkat baka manyi ninggal ke idang, angkat kitai beripih betitih baka angkis tama lubang.

“Dikelala Damun ari Kayu,Buah ari Langgu, Dikelala Bansa ari Jaku, Dikelala Basa ari Penyiru”.

Allen Charlie

Ensumbar Iban

Bisi bala ba ruai iban FB kala nanya aku entang ensumbar tauka nama juluk kitai Iban kelia. Sekeda nanya ari ni penatai nama nya, lalu bisi mega nanya kati tau nitihka peneka ati ngaga nama ensumbar kediri?

Tuju ensumbar tu dikena ngaga gegelar tauka jejuluk tauka nama dikena ngangauka orang ngambika iya teperansang ati ngereja pengawa enti lebuh ensumbar iya disebut. Enti kelia, ensumbar digaga nitih ka penuai bulu siku-siku, selalu iya pungka lelaki ngembuan ensumbar ti panjai, lalu ensumbar iya nya bekait enggau pengawa kayau ti dibatak tauka dikereja iya, ensumbar ti ngayanka pemerani, lalu siti ari tuju ensumbar tu kelia dikena ngelemi ka pala patung (ngenakutka) munsuh laban maya ka betempuh, Iban selalu iya dulu madahka nama enggau ensumbar diri.

Laban diatu menua nyau likun, pengawa ngayau udah lama gak nadai agi, tang bansa kitai Iban kemaya hari tu agi mega bisi begagaka ensumbar diri kena ngenanka pengawa asal kitai kelia, lalu ensumbar sida bisi bekaul enggau pengawa sereta perangai orang ke empu iya.

Ba baruh tu aku bisi nyelitka chunto ensumbar kitai Iban…

1. Lang Ngindang Menaul Tuntung nyawa deduka rerais manjung manggum senanggung ulu ilang, Lai NyakaiMenaul Banda maika kitai leka buah kenang, Raja Nata penyimpan pesaka dalam gudang

2. Segunggang Daun SabangUlup Menyalin Benang, laja layar pematang,Raja Nyaduh orang ke puh mandi di tengkujuh panchur hari.Temenggung Judan tinggi penepan penyimpan seruan dalam ati.

3. Bujang sigat udu mereti, landik bejaku pandai betusi berandau enggau ginti indu bantang.Rengga bedilah santa bepanga dua bepampang, landik bejaku pandai berambai jaku kenang.

4. Mabung Panggau anak arau Keling belelang. Mabung sigat ngembuan penemu nadai ke timpang. Mabung Panggai landik becherita pandai beensera ngembuan batu tusut bebalut mesai kajang.

5. Bujang Lembau, tau betiu landik bekebutau ulih ngupah enggau leka pelaga mau gempanang. Raja natu ngembuan penemu penuh tibang.Dato Intai kurang bejaku landik nurai di kirai keretas labang.

6. Laja Lelingga tinggi, sukat baruh merabung kajang. Orang laki sidi di jari tunjuk butang, landik merindang ngelantang ke ati orang ke beraie merampau ngenang.Datu siku siru bejaku ngembuan ati sinu mesai tungku Indai Abang.

7. Sentuku Buban ngembuan perugan pugu penemu. Bujang Abang Menyalu pandai bedungai landik belagu ngembuan tanduk ulat bulu mesai pugu pun kelindang. Raja Tuai landik megai ngmpung orang.

8. Bujang mit ngembuan runding nyaing udu lasit ari sumpit betibang tulang.Bujang Mangging pendiau imun runggu ensing landik nyeling endun kumang.Keling kenu bujang runggu enti bejaku enda gegampang.(kedua bali nama uchu Samy Vellu pandai bekedumu munyi bunsu antu dalam tibang).

9. Sinja Emperaja nyengkung, duku besi andung pemumpung rekung pengeluntang bukang.Orang laki modern kemaya hari landik macha dunya ngena rawang tum indu benda, tajau besai mua ngembuan peduman ayam jari.

10. Bujang Imun jarang ketawa semampai ketuchum, ngelalaika mau mas badas igi gempanang. Bujang merti ngembuan sagam ati pandai macha genera runding orang.

11. Daun limba limbi, bujang senang linggang nengeri. Terebai tinggi ngelambung kebung langgit ngeruang.Sebau kemarau hari,Bujang Linggang nengeri rajin ati nadai bepampang.

12. Lelayang Rangkang mandi di lenggang pasang Miri. Burung Among ngembuan puchung pengelandik jari.Radin Sanjau pandai ngilau ngelala genera dalam ati.

13. Kumang Ranjing ngembuan ruding peti menyanyi. Kumang ranchak Dara biak pengakak nembiak rebak dudi. Dara Racha tampak mua baka senaya bulan pegari

14. Kumang Menchi pandai mali diri, sekali iya ngenggang nyadi kenyalang lai menari.Dayang Sambai Dara Lupai pandai di chunggai tunjuk jari.

15. Dara Jelembai Kumang Jawai tampak temuai pulai hari. Dara nelap, Kumang Jinap landik ngubat penusah ati.Dayang Sato Dara Sinu landik bejaku pandai menyanyi.

16. Indu dara tampak mua baka senaya bulan pegari. Dara nganta tuchum ketawa nanya enggau sunga dabung gigi.Dayang Menti .Dara mereti tuchi ati sinu ke orang.

17. Dara mentaba hari, Indu pendai tampun puji pandai besanggai landik menanyi tukang nengkebang , Ngembuan bungkan dalam ati, bisi kunchi pun rang. ( Kedua bali nama Dara Bagau jengau rekung, duduk deduga nyembah pengabang)

18. Bujang Linggang menua bisi telaga dalam ati. Batang pauh laba tumbuh di daluh telaga kunchi. Kedu Mali Lebu ngembuan perugu penemu bebeli.

19. Ulup Batu Lichin ngembuan tinchin jamin nengeri. Bujang Ilang Lengain pandai engkeramat di ujung jari. Menggu ngembuan penemu ict.

20. Tabang lamba, tapang bekumbai, ngembuan pugai jaya nengeri Bujang lamba pandai melandai munyi serunai kesuling hari.

21. Bujang sigat besi berani ngembuan terupung di kandang lempuang. Selanjat landik nyurat nulis surat sempekat undang-undang.

22. Kapal belayar di tasik dalam, tan ngelaban lelangan alun gelumbang. Bujang tegar udu penyikar, landik nurai terabai perang.

23. Kah tebelian wi, pugu tunggul kawi, nyadika sulat ulu tulang.Bujang Tangga Rirang tau bejaku pandai betusi nyeritaka ensera leka kenang.

24. Ketupung baik ngikik malam terang. Bujang lansik ngembuan terepung buluh lalang.Radin Sanjau ngembuan ilau terupung dagang.

25. Rembun Sempun Jejabung kempang ati ngeluntang bukang.Bujang mali rampung ngeruranka ati indu bantang.

26. Bujang Tatau enda sumbung maya bejaku ulih ngitung ngembuan rintung di baruh rang.Kuju anggai laju terebai ngentilang remang.

27. Bujang kering bisi ruding ujung dabung baruh rang. Bujang Regas baka upas kesulai tandang. Sabang api tan bejembi tengah padang.

28. Keling Nading Kerangan, Bujang Linggang Lelangan, mandi di ai pasang nyegang. Apai Balan Seribu ngembuan perugu batu pemandang.

29. Bujang Jentang Kemarau rintau-rintau nengan remang, Ulup Batu Lichau selalu madamka laya butang. Keling Kenu, aya jamu madamka jaku laya orang.

30. Dara Imun likun pendiau tuchum nyingkum semampai di galau nyadi ke tengau malam terang. Dara Samban pandai nyumanka litan ati orang.

31. Kumang Indai Abang ngembuan pemandang batu intan. Dara batu gula ngembuan jayau batu bulan. Endu dara Menti pengibun ati semua orang.Endu Dara Rimbu bejaku siru ngasuh lantang.

32. Apai Jangkam Bulan pengibun bungkan rumbang penemu. Mali bejaku ngibun gelema semua pengeraja Jaku Iban. Bujang Kuang Kebat jari bejeluti landik bejelingkat nusun pengawa naka penemban.

33. Bujang kering nyelangking kijang. Batu timah betatah bangkang. Berangai besai pengundan penemu nadai ke timpang.Apai Sala Muda alai nyanda smua barang.

34. Kumpang Pali ngembuan ati manah chukup tuchi. Ngembuan puchung pengelina ati sapa ke tusah nyadi lantang.Rengayung betulang lempung sedia nulung semua orang.

35. Runggu batu chandi, tau berujan puh bejembi di panas lelaki belah bedilang.Selikau ngembuan batu ilau kena nenggau menua orang.

36. Jelenggai datai ari bingkai bulan kembung, Jaroh datai ari tengkujuh panchur wong ngembuan puchung pandai berenung landik nimang.

37. Mechan ngemata ke bulan pegari terang. Mechi ngemataka hari tawas gegantang.Kumbu Rayung ngembuan puchung pengerawang ati.

38. Ipuh Kinying ngelabuh ka nyumbuh siti menua. Bujang tinggi ensuruk remang.

39. Bujang Linggang nengeri. Tutup temilah besi penyimpan laja atung pematang.

40. Lelunyit tampun puji, Singgai menyawai besi berani. Ngembuan ati mutus kempang ngansak nembiak nganaka ensera leka timang.

41. Remaung Panggai ngemataka penyurai pintu remang. Sanda negung ngemataka kibung indu bantang. Lumpong ngembuan puchung mali rampung pengelempung tulang. Raja Gelegat ngempung adat semua orang.

42. Tempan besi ngemata ke nengeri menua Limbang. Raja besai landik bejaku pandai bejelutai nusi mayuh macham utai ngasuh ngeli rangkai tengkering rang.Remaung Kampung benyawa sagung ngansak nembiak nuju pemansang.

43. Endu Sudan leluyang Bulan, Dara Gembala tekang intan pandai bejaku betipan-tipan, landik ngajat ngelipatka lengan, rejat-rejat niti papan baka duan burung kenyalang.(Kedua bali nama Dara Jegit besanggul sintal selit besumping sulat tulang)

44. Angin puting beliung, Lai Nyanggai Menaul Tuntung. Suka Raja Remaung nyawa sagung nyais begerantang. Naga Ai Nabau beratung, ngajung semilu batu pinyang. Raja Ninti ngembuan ati sinu ngenang.

45. Tegung Remaung Dan Suka Raja Rengayan, Nyampi ke menua ili tasik selatan. Mai tandan gelagan bulan tangkai pinang. Raja Gala Gundi bjang berani kempang sinu ati pemuka kunchi pengerawang lempuang.

46. Ribut Ngesai biau balai. Lang Ngindang Menaul terebau, nyanggai bangkai manuk menang.Benyawa tila-tila nyaris reranggau nyadungka kitai tangkai lengain nyamai buah bindang.Selanjat ngembuan kitab dalam lempuang. Selumbing pemutus runding semua kenang.

47. Mas paun tuchi. Dayang ketupang bungai angi berega ke nengeri pasar Simanggang. Dara manis mua baka senaya bulan rumpang.Dara landik lunchik di tunjuk jari butang.

48. Kunchit Beragum mua menyana selalu ketuchum.Landik bejaku baka tusun ai ambun belayan midang.

49. Dayang Ketupang bungai nanyi, ngembuan bungkan buluh temiang.Dara Gangging ngembuan ruding bemunyi tetaing di malam petang.

Menua Aku

Simanggang menua aku,
diselaput selimut putih remang biru.
Sri Aman menua kami,
kampung basah teritik embun pagi.
Kulu kili enda jauh bebali,
jauh dudi tinggal kediri.
Tu meh gaya menua iban ili ulu,
Simanggang menua aku.

Penyinu, penyayau, pengasih, enggau penyayang,
ari pasar Simanggang nyentukka Punggu Tapang,
dikelingi gunung bukut kelingkang,
te mayuh penumbuh laun mansang.
Menua repa munggu bepaya minta randang,
menua kampung endur bejit bejelangkit ngerinyik tusang,
ahh… lapa meh nuan lubah maju?
Ohh… Simanggang menua aku.

Wong Padung beberita endur bala merejuk tungging,
Wong Papu agi mabu tepian bunsu telanjing,
limpang ke Kara mansa menua Punggu Tapang,
kekiba kekanan emperan repa madang lalang.
Tuai rumah, pengulu enggau pengari menua tuju betentang,
baka ke nganti ambai peransang tunang,
ari Kuching melunggang Sungai Tenggang,
mansa Lachau udahnya Punggu Tapang,
nya rumah panjai aku,
Simanggang menua aku.

Ngarapka sapa bala Keling Aji,
ngemansangka menua ngempung mensia ngenanka nengeri,
ya lapa belampung bepilih kita menteri,
batu bata atap sing ukai subsidi,
dikenang mabuk nurun ngundi,
ngenang poverty, mere absurdity,
sinu ngenang my love for you,
Ohh… Simanggang menya aku.

Angkat Iban Mit Besai

Udah gaya pengidup bangsa kitai,
Ari entigis sampai ke ulu sungai,
Ekonomi ukai kitai nadai,
Enda dikelimat abis dipakai,
Bisi sekeda bejako besai.
… Baka tong kosong bebunyi nyarih amai.

Oh… dini kita ke udah dipilih kami nyadi tuai?
Kita ke tau nyadi jembatan mai pesan ngagai perintah besai.
Uji buka mata ngambi ke ngelala,ansing pending ngambi ke ninga.
Uji tela pemerinsa bansa dayak sekumbang 30 tahun di pegai ia.
Mimit aja bisi ampit tang enda serata menua.
Cina mansang kaya, melayu udu maju, dayak agi merinsa belama lama.

Minta kita anang nutup mulut, enti baum be dewan negara.
Kenatai ke sebana kami laban kami pan nyukung sida ia.
Kitai mayuh pandai bisi PHD Masters Degree bisi Diploma.
Minta sida ia ngubah kuota ngambi ulih nyingkang sama serta.

Enti kelia kitai kering berinding pegari nama.
Nama diatu te macham penumbuh mayuh mawa?
Diatu badu agi ngelusu, aram angkat ari mimpi tinduk lena.

Iban’s Culture and Belief System

Today, a considerable large number of Iban have become Christians. But we maintain our traditional and cultural heritage which in many way originated from our old belief systems. For example, our modern “biau/ai ansah” sacred words were taken from the Holy Bible.

Our traditional beliefs constituted mythical and legendary heroes (The people of Tansang Kenyalang,Panggau Libau, etc) and deities. In our traditional beliefs, we believed in the spiritual sphere, where spirits have have to be placated from time to time to gian their favour with ritual festivals. 

Iban traditionally celebrate 3 main types of ritual festivals.
(i) those connected with the cultivaton of rice
(ii) festivals connected with health and longevity
(iii) those that were connected with warfare and prestige

During such festivals, besides the customary observance of ritual, there’s usually much drinking of the locally brewed rice wine (tuak), and much merriment and dancing and display of elaborate and colourful traditional custumes.

In our traditional beliefs, we concieved the world as a place where every objects has a soul of its own and that in daily activities, the sould of men (mensia) and that of Gods (petara) or spirits (antu) often influence one another. It is from this idea of the world that Iban traditional cultural values and social sanctions derived.

In mortal life of Iban’s beliefs system, our soul acts as a medium of communication with the unknown powers through dream (kenyap/mimpi) and other spiritual encounters when the Gods appear before the fortunate few. It is from such dream experiences, that we see many Iban creative culture’s work of art, such as the intricate and striking ‘ikat’ weaving, our highly symbolic and rich oral literature in sacred texts (pengap, biau, sampi, etc) during Gawai, songs and legends.

There was also the old religious practice of augury in which we believed that our Gods communicate with us through the calls of birds (Sengalang Burong and Family) and other visible signs made by the action of animals or insects. This is in fact a system of devine guidance for the well being of man. For this reason, special ritual experts (Lemambang/Manang – Bart) are consulted before we undertake any important activity, such as beginning of the annual cyclenrice cultivation (Gawai Batu), building a new house (Gawai Pangkung Tiang), or before going on important expeditions.

Now, such practices have been abandoned (Not Completely), for those of us who’re Christian, we substituted the above traditional ritual practices with Christian practice of prayers and sprinking of the holy water.

Tinchin Tusah Ati


Tu meh tinchin ke dikumbai orang “Tinchin Tusah Ati” ka digaga Ayak Dunging, Genius Iban ari Debak, menoa pegai alih Saratok. Tu gamal ia sebedau dipejantilka. Enti udah di adu ka nya baru nyengenda gamal ia baka tincin. Pama diri ga pengelama ka benjantil ka ia. Nyangka nya kebuah aki tu ngagga ka nama tincin tu bakanya engka nyau ”tusah ati” urang berunding ka baka ni ka ngadu ka tincin tu, enti telepas anyam/jai, nadai orang nemu ngadu enti enda ayak Dunging empu. :)

Kada enda tuchum tuchum bala sida ayak enggau ibu meda gambar tu, mulai ke pingingat ya wai? :)

Aku meri terima kasih besar ngagai Umang Atak ke udah bekunsi ke gambar tinchin tu enggau bala ba ruai kitai http://www.facebook.com/ibansarawak

Nyabur


Mayuh endar penyaru ba orang ke biak enti duku Ilang tauka Nyabur disebut.

Antara bida ke besai tau dibanding ka kitai entara ilang enggau nyabur, ilang mata ia juring sereta pandak agi. Nyabur mata ia chundur, sema ke jako baka mata pedang samurai jipun, ia panjai sereta ribat agi ditangkin.

Ditu aku deka nusoi enggau ngelansa pasal duku Nyabur dulu. Duku Nyabur bisi dua
bansa, siti dikumbai Nyabur Pesaka lalu siti Nyabur dikena ngayau. Nyadi
duku Nyabur pesaka tu digaga lalu diyas enggau naka pemanah. Iya semina
ditangkin lebuh mindah nemuai ngabang enggau maya bisi pengerami ke bukai. Kelimpah ari nya iya endang disimpan, dikait ba tiang tengah bilik, ba dinding tempuan dalam bilik semak pintu enggau ba dinding semak pintu bilik dapur beserimbai enggau
terabai, nyadi ke penabat enti bisi munsuh temu datai nyerang, iya senang sereta
jampat dijapai.

Duku Nyabur dikena ngayau, gamal iya rumpas sereta nadai diyas. Laban enti iya diyas, iya ribat dibai. Kelimpah dikena ngayau iya mega ditangkin mindah kiba-kanan, nurun mansai, kumai, ngembuah, mandi enggau semua pengawa ditanah. Tang iya UKAI dikena gawa, semina dikena nyendia nyaga diri enti munsuh nyerang.

Arapka saritu bala kitai ke agi biak enda kelalu balat lelang ati limpang penemu ngumbai duku pesaka nya dikena ngayau. Duku Nyabur ba gambar ditu nya duku pesaka, ulu iya digaga ari urat kayu langir lalu dikawit ngena seraput upih aping. Utai dikumbai butuh kunding nya udah patah laban besi betegar.

Pia mega ngepan ke dikena orang nurun ngayau laban sekeda cherita ke ditulis orang selamatu ngepan dikena ngayau nyau baka ngepan kena nurun ngabang. Nganti udah bisi kenang ari aya Rintai Edmond ke dudi ari ila, pengudah ia nusoi ke bida ngepan bansa kitai nurun ngayau sereta nurun ngabang, aku deka ngelakar ia ba kertas, ngambi ke terang agi dipeda bala pembaca.

Penudi sekali, aku meri besai terima kasih ngagai aya Rintai Edmond laban enti nadai tegal penemu ka dikunsi ke ia, nadai gak utai ke ditusoi sereta disara kitai baka ke kali tu.

Guna Benggal

Bisi Katak seribu ka bepekit engkejuk meraka lubang, tang mayuh bala orang ke meda sida bepekit madah ka sida enda ulih, laban pemesai lubang nya sejengkal. Nadai siku ari seribu katak nya tadi ulih teperaka ke lubang ke besai ia nya semina sejengkal taja pan ngelama tu, kejuk katak kira sedepa.

Bisi siko ketam ka bejalai ke mua, orang madah enda ulih tang ia majak ke diri aja. Kelengah ke nguji, dia ketam tu tadi ukai semina bejalai tang tau mega belanda mansang ke mua. Dipansik orang kebuah ia, laban orang rawan ati laban ke ditemu, ketam enda kala bejalai lurus, tang nyerimbing bejalai ke tisi. Dipansik-pansik, nemu nya tadi, ketam tu tadi kebendar ia Benggal (enda ulih ninga).

Ari dua iti jerita pandak ke dirintai ka aku ba atas tu tadi, besai endar utai ke kadikunsi ke aku enggau bala menyadi.

Kitai bela nemu, orang ke kurang agi pendiau nadai pedih ari orang ke benggal. Sida ke buta mata mayuh ke nemu macha. Sida ke iso ngambi ke banding enti sida ia enda benggal, sida ia nemu reti utai, taja pan enda tepantai ke jako ari mulut, pencil tau dikena nulis utai ke ka dikejako ke sida. Tang enti benggal, semua utai deka tusah, nemu pan bejako nyau enda meh laban enda nemu nyebut, ketegal ke enda kala ninga, nya alai selalu ia, orang ke benggal ka kurang agi bala sida ke kurang pendiau ke bukai.

Tang, Benggal tu kadang ia bisi guna. Ngambi ke banding jerita pandak ke dirintai ke aku ba atas.

Ba jerita ke-tebubah nya tadi, katak ke tau engkejuk panjai sedepa tau enda teperaka ke lubang ke mesai ia sejangkal. Nama kebuah? Laban sida ninga jako orang…

Ba jerita kedua, ketam ke sigi ditemu kitai bejalai nyerimbing tau nemu bejalai lurus. Nama kebuah? Laban ia enda ninga jako orang…

Nya alai, kadang-kadang, benggal enti ngena maya ke patut bisi pemanah ia. Ngambi ke banding…

- Menggal ke diri enti orang bejai kitai, kitai tau nyeliah ke diri ari ke belaya.

- Menggal ke diri enti orang ngasut kitai, kitai tau nyeliah ke diri ari pemenci.

- Menggal ke diri enti orang mai ngereja pengawa jai, kitai tau nyeliah ke diri ari dosa, ari api neraka.

Perunding ke dia meh… :)